Verslunarmannahelgin að baki

Já þá styttist óðfluga í haustið.
Hekla tók upp bangsann sinn í morgun og sagði
-Viltu lesa bók með mér ástin mín...neeei hehe þú talar ekki.. þú ert ekki Ástin mín.. ohh hvað ég er mikill kjáni!
Fyrir þá sem ekki vita er Ástin mín ósýnilegi vinur Heklu.

Annars fór helgin alveg hreint ótrúlega vel. Við fórum á föstudeginum með Ólu og Gumma og strákunum í Miðdal og bjuggumst við mikilli örtröð af tjöldum en viti menn veðurfræðingunum hefur tekist að láta alla annaðhvort hanga heima eða fara til Akureyrar í von um sól og til að forðast hina gífurlegu rigningu sem átti að vera á suð-austurlandi, tjaldstæðið var autt að undanskildum tveimur tjaldvögnum. Við hins vegar höfðum birgt okkur upp og ég fór í Byko og keypti partýtjald og Óla og Gummi keyptu gasgrill. Þannig að við vorum í algjörum lúxus í Miðdal krakkarnir léku sér áhyggjulaust og rigningin lét á sér standa þannig að við vorum í góðum fílíng. Rigningin kom hins vegar seint um kvöldið og þá kom sér vel að hafa tjaldað partýtjaldinu! Við sátum og drukkum og kjöftuðum langt fram á nótt eða þegar vindurinn blés okkur inn í tjöldin.
Ohhh hvað ég elska að sofa í tjaldi, að er svo hrikalega notalegt,,, hljóðin og lýsingin fylla mig unaðstilfinningu. Enda vaknaði Hekla um morguninn þannig að hún opnaði augun, snéri sér að mér, knúsaði mig og sagði ,, ohh mamma, það er svo notalegt að vera í tjaldi!"
Þegar við vöknuðum,merkilega óþunn, lögðum við strax af stað að bústað Valda frænda. Það rigndi soldið þegar við komum þannig að það var afslappelsi fyrr um daginn inni í bústaðnum og svo seinna um daginn var tjaldað og farið í pottinn og leiki og svo borðuðum við dýrindis mat, alveg hreint ótrúlega góðan. Svo var bara spjallað og djúsað langt fram á nótt. Rosalega gaman. Daginn eftir vöknuðum við seint, allir þar á meðal börnin(sem betur fer), og slappað af fengið sér kaffi og borðaður morgunmatur. Sverrir, Gummi og Eiki fóru í golf og við stelpurnar fórum í pottinn og byrjuðum svo að taka niður tjaldið. Um 4 leytið fórum við Sverrir með Þorgerði, Írisi og kærastanum hennar á hestbak. Það var sko hápunkturinn, ekkert smá skemmtilegt. Ég reyndar lenti á algjörum brokkara og var ekki alveg með á hreinu hvernig ég átti að láta hann hætta því þar sem það eru 7 ár síðan ég fór síðast á bak en svo á leiðinni heim þá sagði stelpan mér hvað ég átti að gera og ég náði honum af brokkinu. En þetta varð til þess að ég er búin að vera með alveg hreint hrikalegar harðsperrur innan á lærunum síðan! Eftir það ákváðum við að vera bara eftir í eina nótt í viðbót, það var sko góð ákvörðun! Við borðuðum afgangana sem voru ekki síðri það kvöldið og svo drukkum við og kjöftuðum alveg langt fram á nótt og fórum líka í pottinn um nóttina. Snilld að vera með pott!
Svo er lífið búið að ganga sinn vanagang síðan og ég er bara að njóta þess að vera heimavinnandi húsmóðir með Heklu minni.
Ég fór með Heklu í Bónus í gær og hún byrjaði að væla ,, má ég fá þetta, en þetta, en þetta???" og ég sagði alltaf nei svo byrjaði hún að væla ,,en mammaaaaa, mig langar í aaallt, búhúhú"
Mér fannst þetta svo sætt að ég gat ekki verið pirruð út í hana.
P.s Hekla er yndislegasta barn í heimi!

sól og blíða, jiii,æði!

Við fórum í gullfallegt brúkaup um helgina og skemmtum okkur konunglega. Það var hjá Águsti vini Sverris og Obbu og var haldið í Ýmissalnum. Þetta var mjög skemmtilegt og gaman að hitta alla aftur. Sérstaklega fannst mér gaman að hitta og tala við Eyrúnu og Kára og fannst mér alveg ömurlegt að hafa ekki komist í brúðkaupið þeirra. Hvenær get ég hætt að vera í þannig vinnu að ég þarf að sleppa svona atburðum??? æ í guðanna bænum hættu þessu væli Sigurrós ég nenni ekki að hlusta á þetta meir.
Enda er ég búin að sækja um vinnu hjá Gestgjafanum og hún gaf mér hálfjákvætt svar til baka þ.e.a.s. að ég væri það sem þær væru að leita að þessa stundina fyrir utan þá staðreynd að ég sé að fara til Ítalíu aftur í október og spurði mig hvort það væri möguleiki að vera á Íslandi, en þar sem það er ekki möguleiki þá svaraði ég henni til baka að ég væri með fullt af skemmtilegum hugmyndum um fjarvinnu frá Mílanó nefndi nokkrar en hef því miður ekki fengið svar ennþá, krossum fingur og vonum það besta!!!
Annars fórum við á föstudeginum á léttskrall með Sigrúnu og Árna og hittum svo seinna um kvöldið Ólu systur og Gumma og það var algjört æði, við vorum bara nett áþví en svo gaman að hitta þau aftur og bara spjalla endalaust.
Þar fyrir utan er bara búið að liggja í þynnku og þar á eftir ælupest og er stúlkan að rífa sig uppúr því núna og vonum við að við getum kíkt í sund á morgun.
Við lágum þó í smá sólbaði í dag, Hekla reyndar meikaði ekki mikið af því og var inni mestallan daginn á meðan mamman lét sólina sleikja sig. Það er ekkert skrítið að barnið geti dundað sér endalaust þegar mamman nennir aldrei að leika, ha!
Ég byrjaði daginn ansi bjartsýn, komin með ógeð á allt of feitum mat og engu grænmeti, og bjó mér til salat og borðaði það með bestu lyst en svo stuttu seinna komu Erna frænka og Guðrún amma í heimsókn og þá voru bornar fram kræsingarnar og ég stóðst ekki mátið og dembdi mér í þær og svo seinni partinn fengum við okkur freyðivín og hnetur og rúsínur,mmmmm.........

gullmolar!

Þessum er beint til þín Kata mín. Ég veit reyndar ekkert hvort þú lest þetta ennþá en þá er þetta bara svona svo að ég eigi eftir að muna þetta í framtíðinni.
Ég og Hekla vorum að lesa Fréttablaðið í morgun, þá sjáum við stærðarinnar mynd af Kötu á bls.15 of ég segi við Heklu ,Þetta er vinkona mömmu, manstu eftir henni?
Hekla: ,,VÁ! hvað hún er í flottum bol!!"
Ég: já alveg rosalega!
Hekla: Hún er rosalega sæt líka!

Svo, þar hefurðu það, kata mín, helvíti hefurðu litið vel út þennan daginn, ha!

já ég er trúlofuð!

Loksins bar drengurinn upp sspurninguna sem ég hef beðið eftir!
Hann fór með mig í gögutúr niður í fjöru hér úti á nesi, við settumst á steina og þá bað hann mig um að giftast sér. Hann gaf mér alveg ótrúlega fallegan hring, hvítagull með demant í miðjunni.
Ég er búin með uppskriftirnar í Kanada og sendi þær á morgun.
Fórum í alveg hreint frábært matarboð á laugardaginn hjá Kötu og Kristínu og hitti þar Ásu og Helgu Björt og við sátum og kjöftuðum til klukkan 6.00 um morguninn, það var ekkert smá gaman!

Knús og kysserí

Ég hélt að mínúturnar daginn sem ég var að ferðast myndu aldrei líða!
Ferðin gekk mjög vel. Sat fyrir aftan Bogomil Font og vini hans á leiðinni heim frá London og ætlaði að sjálfsögðu að þakka þeim fyrir hið frábæra lag ,, Veðurfræðingar ljúga" En þar sem ég er þekkt fyrir að gera mistök í þessum málum þá fór ég að efast um vitneskju mína og hugsaði að kannski voru þetta Baggalútur en ekki Bógómil Font sem gerðu þetta lag þannig að ef ég færi til Bogomil yrði það frekar vandræðalegt, þannig að ég sat hljóð í sætinu mínu og hlustaði á lagið í iPodinum mínum og hló með sjálfri mér.
Þegar ég kom heim hljóp ég í gegnum tollinn og knúsaði og kyssti Heklu alveg í kaf. Hún var alveg rosalega ánægð að sjá mig og er búin að vera að kyssa mig og knúsa síðan!
Ég er núna að vinna að uppskriftum fyrir kvöldverð í Toronto og eru það svo hryllilega girnilegar uppskriftir að ég er slefandi yfir þessu hérna!
En maður getur vonandi hitt einhverja vini sína í kvöld.
Ég var með einn af aðalréttunum í matinn í gær og er það Bláberjamarinerað lambalæri með bláberja og súkkulaði sósu, ofnbakaðar kartöflur með marineruðum sætum kartöflum og meðlætið er papriku og spínatsalat(þar sem eru notaðar rauðar,grillaðar paprikur)með vanillukeim. Þetta var alveg hrikalega gott!

Dekurdrós

Já þá er liðin vika af dekri og rólegheitum. Mamma og pabbi voru að fara í dag og við höfum svo sannarlega komið miklu í verk á einni viku.
Við byrjuðum á því að fara á ströndina á Cinque terre og spókuðum og sóluðum okkur þar í 3 daga(2 nætur), það var alveg hreint yndislegt. Þegar við komum til baka var ýmislegt gert á daginn og svo á laugardeginum fórum við í hádegismat til Jole og Piero og vorum þar mestallan daginn og svo um kvöldið fórum við út að borða á veitingastaðnum sem e´g vinn á, Joia. Við fórum með Jole og Piero og Beu(dóttur þeirra) og skemmtum okkur konunglega, og borðuðum alveg hreint frábæran mat. Á sunnudeginum var slakað á fyrri partinn svo seinni partinn fóru mamma og pabbi með Jole og Piero í hjólreiðatúr um Mílanó og fannst það mjög gaman og ég var heima í hugmyndavinnu fyrir kvöldverð sem ég er með í Toronto í september, ég skrapp líka aðeins út að skokka og var dauð eftir 15 mínútur, jóga er ekki alveg að æfa lungun greinilega. Það er reyndar líka soldið mikið heitt, eða í kringum 35 gráður.
Svo á mánudeginum vorum við bara í afslappelsi fram að fyrri part kvölds, því þá fórum við í La Scala á sýningu sem heitir Dido and Aeneas eftir Henry Purcell, þetta er blanda af óperu og ballett sýningu á ensku. Frábær sýning! Við skemmtum okkur alveg ótrúlega vel. Eftir sýninguna fórum við á pizzeriu og fengum okkur pizzu, viti menn eftir nokkrar mínútur ganga inn stjörnurnar úr sýningunni! Við mönuðum pabba og Piero að fara til þeirra og fá eiginhandaráritanir sem þeir gerðu á endanum, pabbi var soldið vandræðalegur en okkur fannst þetta alveg frábært og jú soldið fyndið að sjá tvo gráhærða kalla biðja um eiginhandaráritanir frá óperusöngvurum!
En svo í morgun var gamanið búið eða þannig og þau fóru heim og ég fór í undirbúning brottfarar. Ég er sem sagt búin að vera á útopnu í allan dag á hjólinu mínu þar sem ég er búin að setja bílinn í geymslu hér bakvið húsið.
Ég hlakka svo til að sjá Heklu og Sverri að ég er alveg hreint í ruglinu!
Í kvöld þarf ég svo að fara á veitingastaðinn og tala við yfirmanninn og sjá hvort við getum komist að samkomulagi um áframhaldandi starf. Eftir það liggur leiðin til Jole og Piero því að ég þarf að láta þau fá lykla af öllu klabbinu.
Búin að panta leigubíl fyrir fyrramálið.
Ég er að sjálfsögðu búin að fylla nýju ferðatöskuna mína, troðfylla, vona bara að ég sé ekki með yfirvigt. Það tekur bara soldið mikið pláss svona hlutir eins og gönguskór og úlpur og fleira í þeim dúr.
Það verður ansi skrítið að ferðast ein með eina ferðatösku!
Jæja best að taka síðasta þvottinn úr vélinni. Það er svo heitt núna þessa dagana að allur þvottur er ca.2 tíma að þorna á slánni, bara alveg eins og þurrkari, lúxus líf.
Ég frétti af hitabylgju sem á að vera á leiðinni til Íslands, er eitthvað til í þeim sögusögnum???

Að nota heilann

Ég var að klára Veronika ákveður að deyja bókina, hún fær mann verulega til að hugsa. Ég er t.d. að hugsa núna hvað ég sé að spá að fara frá barninu mínu, hvað ef eitthvað kæmi fyrir og ég er þá búin að eyða þessum dýrmætu stundum frá henni í stað þess að vera hjá henni.
Ég fór líka að hugsa um hvað maður velur að berjast fyrir í lífinu, hvers vegna og hvort maður ætti að vera að því. Ég er t.d. búin að vera að berjast fyrir þessu kokkastarfi í meira en 4 ár. Í hvert skipti sem ég kem inn í nýtt eldhús hugsa allir þar inni ,, iss, hún endist ekki í viku þessi, hún á barn, hún er með brjóst og ekki nóg með það heldur er hún grönn og lagleg!" já ég sagði lagleg, þegar fólk er búið að vera að segja manni allt sitt líf að maður sé laglegur er þá svo hrikalega slæmt að maður fari að trúa því??? Er ég þá egóisti?? Nei það þykir mér ekki, raunsæi myndi ég frekar kalla það. En svo ég komi mér aftur að málinu sem ég byrjaði á.... En ég entist(í kokkinum) og ég píndi mig og ég næstum eyðilagði líkama minn með það eitt í huga að ef þessi strákur getur gert þetta af hverju þá ekki ég líka? Ég hugsaði ekki út í það að hver og einn er sérstakur, bæði líkamlega og andlega. Ég hugsaði heldur ekki út í það að þessir stóru og sterku strákar, sem ég hef verið að vinna með í gegnum tíðina, fara líka grenjandi heim í ból, grenjandi af þreytu á líkama og sál. Er þetta starf virkilega svona öðruvísi en á öðrum vígstöðvum eða erum við kokkarnir,þ.e. þeir sem hafa ástríðu á mat og uppskriftum, svona viðkvæmar og opnar sálir. Að þjást fyrir það eitt að sjá ánægjusvip eða jafnvel nautnasvip viðskiptavinar, ókunnugrar manneskju við það eitt að bragða á einhverju sem þú skapaðir og gafst frá þér. Er það þess virði að fórna öllu fyrir? Í fyrsta skipti vinn ég fyrir listamann, hann hefur gert þetta hann hefur fórnað öllu fyrir heimspeki sína og list, ekki hef ég hugmynd um hvort maðurinn sé hamingjusamur en það veit ég að ég er ekki hamingjusöm án fjölskyldu minnar og að ef þetta er fórnin fyrir að vera matreiðslumaður þá er ég ekki tilbúin til að vera matreiðslumaður.
Í allt of mörg ár hef ég sett heilan minn á hilluna og reynt að nýta mér það sem ég er góð í, þetta er eitthvað sem ég hef alltaf gert. Þegar ég var um 10 ára langaði mig til að vera rithöfundur, þetta er reyndar leynd ósk mín eitthvað sem mig langar enn að vera, en eftir fyrstu tilraun mína að sögu þá gafst ég fljótt upp, sagan sem ég hafði skrifað fannst mér vera svo hrikalega illa skrifuð og leiðinleg að ég lofaði sjálfri mér að skrifa aldrei neitt framar á blað nema að það væri ritgerð fyrir einhvern annan. En löngunin sækir enn að mér, en ég er hrædd um mistök og mest af öllu er ég hrædd um að mömmu finnist það vera svo léleg bók/saga að hún myndi aldrei gefa hana út og myndi líta á mig öðrum augum eftir lestur hennar. Ég er ekki sterk eins og allir halda, jú ég er sterk líkamlega en ég forðast það eins og heitan eldinn sem ég er ekki góð í eða þarf að vinna hart að og horfast í augu við mistök. Eins og t.d. að fara í skóla það hræðir mig meira en nokkuð annað, því það að mistakast í matreiðslu er eitthvað sem aðrir í kringum mig fengu aldrei að vita eða myndu aldrei fá að vita ef það gerðist en það að mistakast í háskóla þegar allir í kringum mig eru með háskólagráðu er eitthvað sem ég gat ekki horfst í augu við. Hvað langar mig að verða? Mig langar að verða læknir! Ósk sem ég á aldrei eftir að geta uppfyllt, þar sem ég get ekki reiknað. Það hefur þó læðst að mér svona í seinni tíð að kannski get ég alveg reiknað ég hef bara ekki þolinmæði í að komast ekki að almennilegri niðurstöðu í málinu á 10 mínútum. Ég man eftir að Þorgerður systir var stundum að glíma við eitt reikningsdæmi svo klukkutímum skipti, kannski get ég það alveg líka ég bara hafði aldrei þolinmæði til að komast að því. Heilinn getur þjálfað sig upp í allan andskotann, eða erum við hæfileikaskipt? Er okkur skipt niður í flokka eftir hvar hæfileikar okkar liggja og erum við takmörkuð við einn hæfileika kannski tvo?
Við Íslendingar erum fordekruð í seinni tíð, við erum alin upp í þeirri trú að við getum allt. Við getum farið í hvaða nám sem við viljum, hvort sem það er verkfræði eða listnám. Hvers vegna er þá svona erfitt fyrir okkur að meta það mikils? Hvers vegna er þá jafnvel erfiðara fyrir okkur að velja? Það er ekki litið niður á neitt nám á Íslandi, það eina sem er litið niður á er leti og ef þú ert ekki í námi eða búinn með nám ertu þá letingi? Nei, ekki ef þú vinnur þig hægt og bítandi óteljandi tíma á mánuði í einhvern virðulegan titil. Enda erum við orðin starfstitlaóð. Hreingerningarkona er orðin ræstitæknir og ætli gömlu góðu ruslakallarnir séu ekki komnir með einhvern fallegan titil líka.
Ég þoldi aldrei svona bækur eins og Munkurinn sem seldi sportbílinn sinn og núna Veronika ákveður að deyja, því að þessar bækur þvinga mann til þess að líta í eigin barm og endurskoða þær ákvarðanir sem maður hefur tekið í lífinu og athuga hvort þær hafi verið réttar eða rangar. Lífið snýst um val og ef maður gerir sér grein fyrir röngu vali er erfitt að sætta sig við það og reyna að breyta rétt og eins og alltaf reynir maður að forðast það sem er erfitt að gera.
Í dag hef ég nægan tíma til að hugsa um líf mitt og val mitt í því hingað til. Ég er ánægð með flest fyrir utan það val mitt að hræðast að gera það sem mér þykir vera erfitt og það sem þarfnast þolinmæði,þ.e. að láta heilann vinna að einhverri gráðu, ekki bara taka það sem ég er þegar góð í og fullkomna það, heldur taka eitthvað sem ég þarf verulega að nota heilann og þolinmæðina.
Hvers vegna er ég þá búin að eyða öllum þessum tíma í kokkinn, jú ég er nefnilega alveg hreint ótrúlega þrjósk og ef ég bít eitthvað í mig þá stend ég og fell með því. Ég var búin að ákveða að sanna mig í þessu og við það stend ég. Ég er líka trú, ef ég vinn á einum stað er alveg ótrúlega erfitt fyrir mig að hætta og fara á annan stað, því að í mínum augum væri það uppgjöf og guð forði mér frá því að gefast upp!Aldrei!
Ég viðukenni að oft á tíðum á ég enga samleið með fólkinu sem ég vinn með, þau tala ekki um hlutina sem ég og vinir mínir og fjölskylda tölum um, ég lendi ekki oft í örvandi samræðum í eldhúsinu og þá sérstaklega ekki í matarhléum. Ekki misskilja mig, ég er ekki þar með að segja að þetta sé heimskt fólk heldur þvert á móti, allir sem ég vinn með og hef unnið með geta lagt á minnið ógrynnin öll af uppskriftum og þulið það upp að vild, alveg hreint ótrúlegur hæfileiki og þau geta töfrað fram dýrindis máltíð á hálftíma með lítið sem ekkert hráefni, það þykir mér einstakur hæfileiki og ekki heimska en að tala um heimsins mál eða bækur er ekki alveg að gera sig þarna. Í matarhléum er talað um síðasta djamm eða hvað hin eða þessi stelpa var flott eða hversu mikið maríúana á að kaupa næst. Ætli það sé ekki að fara svona í taugarnar á mér, það er engin örvun fyrir hinn hluta heila míns, sem er enn sprelllifandi, sem vill umræður og samræður um heima og geima.
Ég er orðin þyrst í þekkingu og komin með pirring í heilann.

Eins og þið sjáið þá mæli ég eindregið með þessari bók!
Ég er líka að hugsa hvort ég eigi að klikka á ,,save as draft" takkann eða raunverulega taka skrefið til fulls og klikka á ,,publish post". Skynsemin segir mér að ,,save as draft" sé betri möguleiki en hjartað segir að ,,publish post" sé eina leiðin.

Ég læt hjartað ráða för.

Of lár blóðþrýstingur

Já hann var svo lár þegar ég stóð upp að hann fann hann ekki í fyrsta og þurfti að taka aftur. Ég líka vissi ekki að þetta lyf sem ég er búin að vera að taka er líka blóðþrýstingslyf, við of háum blóðþrýstingi, þannig að hann sagði að ein tafla á dag í þessum hita væri allt of mikið, en að hætta á töflunum væri líka mjög hættulegt, þannig að ég yrði að taka hálfa töflu á dag(ég er búin að vera að taka 2 á dag til að reyna að losna við mígrenið!)og sjá í 3 daga hvort þetta lagaðist og ef ekki þá yrði ég að fara til einhversséfræðings(skildi ekki hvers lags) og taugasérfræðings. Jæja ég er ansi fegin að ég fékk einhver svör, ég var svo hrædd um að fá engin svör eins og venjulega þegar ég fer til læknis útaf þessu. En þetta er líka í fyrsta skipti(fyrir utan þegar ég fór í sjúkrabíl úr vinnunni) sem læknir er hjá mér þegar kastið er í gangi, ég fer alltaf til læknis þegar kastið er búið. Nei nú lýg ég ég fór í eitt skipti til taugasérfræðings í kasti, Óla man kannski eftir því og hann komst að því að ég væri með mígreni. Hingað til hef ég bara verið spurð hvort ég sé ekki ,,bara að byrja á túr vinan?" og svo horft á mig aumkunaraugum, grrr.. þoli ekki það look. Afsakaðu,en þó að ég væri að byrja á túr, sem er ekki tilfellið, þá er það ekki eðlilegt að heimurinn hringsnúist í 5 daga! Það hefur allavegana ekki lagað neitt hingað til að borða rauða, blóðuga steik! mmmmm.... rauða, safaríka ,blóðuga, þykka steik...... með brúnni unaðslegri þykkri soðsósu....... og og heitri, mjúkri kartöflu með drjúpandi smjöri og undur fögrum mildum saltflögum.......
Ég get svarið það ef ég sé kind á leiðinni heim frá flugvellinum í Keflavík, þá verðiði að spenna beltið mitt enn fastar því ef ekki mun hún eiga fótum sínum fjör að launa!

Veronika er soldið heimspekileg fyrir minn smekk en samt ágætis lesning, er rétt hálfnuð, sjáum hvernig restin er.....

Veðurfræðingar ljúga!

hahaha ég var að heyra brillíant lag á Rás 2 og heitir Veðurfræðingar ljúga, textinn er alger snilld!!!

enn með kast, læknirinn kemur á morgun

Já ég er enn með svima, vonandi getur læknirinn séð eitthvað útúr þessu.
Annars var ég að klára bókina 4.Júlí eftir James Patterson og var hún bara ágætis afþreying, fíla ágætlega svona spennutrylli, það hefði reyndar alveg verið hægt að sleppa lögfræðiruglinu en, þrátt fyrir það fín bók. Fer næst í Veronika ákveður að deyja eftir Paulo Coelho. Vona bara að hún sé ekki of erfið.
Það er loks farið að rigna hér og fylgja því miklar þrumur og eldingar, mér finnst það æði og vildi ég helst fara út undir beran himinn og dansa í rigningunni, ef ég væri ekki svona hrædd um að vera nauðgað myndi ég gera það!
Ég verð að koma mér á einhvers konar sjálfsbjargarnámskeið til að geta hætt þessari eilífu hræðslu.
Simona vinkona mín er mesta dúlla í heimi. Hún er búin að hafa svo miklar ahyggjur af mér og er alltaf að hringja og tékka á mér. Svo segir hún alltaf,.. sko þú verður að vera heima og hvíla þig ekkert vera að koma í vinnuna, það er ekkert að gera og þú þarft bara að hugsa um sjálfa þig, ef þú kemur í vinnuna á morgun þá lem ég þig ,OK!.. Svo hlær hún háværum og miklum hlátri, hún er mjög ítölsk! En hún hefur rétt fyrir sér ég verð að hugsa um sjálfa mig núna, en helvíti er það erfitt!
Ég var að tala við Ásu í símann áðan æ hvað ég er farin að sakna vina minna. Hlakka mikið til að hitta alla.
Horfði loksins á Million Dollar Baby, helvíti góð mynd! Að sjálfsögðu var Swank framúrskarandi og mér finnst alltaf gaman að horfa á leik Clint Eastwood, snillingur maðurinn og ekki skemmir útlitið fyrir, þó að hann sé hundgamall er hann alltaf jafn flottur.
Horfði líka á The Way of the Gun, hvílíkt blóðbað, jesús minn mér fannst nú ekki mikill leikur vera í gangi í þeirri mynd og ekki hefur handritið verið í þykkari kantinum, en hún var svo sem vel tekin og flott, ágætis plott.
Maður kemur ýmsu í verk þegar maður situr einn heima og borðar frosnar pizzur og ístoppa, eða bara eitthvað sem er til í frystinum.

ohhh ennþá með mígreniskast, dem!

Já hausinn er enn í ruglinu 3. daginn í röð. Ég fór í morgun á bílnum(ég veit, ekki mjög gáfulegt) í bankann ég varð að leggja inn ávísunina, launin mín koma í ávísun og það tekur 7 virka daga fyrir hana að fara í gegnum kerfið, þannig að það er eins gott að koma henni inn í bankann sem fyrst. svo var ég líka búin með vatn og frosnu pizzurnar þannig að ég varð að fara í búð líka, þetta var ekki þægilegt.
Ég var líka að fá sektir sendar heim vegna þess að hér eru nokkrar götur sem ekki má keyra á og þær eru illa merktar ,,Traffico Limitado" og fyrir ofan þetta skilti er myndavél sem tekur af þér mynd og þá færðu sekt senda heim uppá 80 evrur, ég var að fá 3 svoleiðis þar sem ég hafði ekki hugmynd um að ,,traffico limitado" þýddi að ekki mætti keyra þarna undir neinum kringumstæðum, ég hélt bara að þetta þýddi að þarna væri takmörkuð umferð þið vitið ,,limitado=limited=takmörkuð" en það verður að hafa það, ég borga!
já og Ítalir komnir í úrslit, geggjað stuð!
Horfði á V for Vendetta í gær, helvíti góð mynd, mjög sátt. Hún er svo góð leikkona, mér líkar alltaf svo vel við hana.
Það er loksins orðið aðeins kaldara það er núna svona 25-30 í staðinn fyrir 35-38 það er ágætt.
Ég hlakka svo til komu foreldra minna, get ekki beðið!

Líkaminn sagði loks ,,NEI takk!"

Já´eg ligg hér heima á þriðjudegi með mígreniskast. Það byrjaði í gær með því að ég hrundi niður í vinnunni(meiddi mig ekkert smá í hnéinu og mjöðminni) og var sett inn í búningsherbergi á stól, ældi smá og settist aftur og það leið yfir mig aftur, af stólnum. Yfirkokkurinn var mjög næs og var að hjálpa mér og setja á mig kaldann bakstur allan tímann og mér leið svo illa að það endaði á því að ég lagðist í gólfið(sem er vibbi)og beið eftir leigubílnum. Það reyndar kom enginn leigubíll þannig að einn af þjónunum keyrði mig heim og fylgdi mér inn, sem betur fer því ég gat varla gengið. Þeir hringdu svo í mig um kvöldið til að athuga hvort að ekki væri allt í góðu hjá mér og hvort að mig vanhagaði um eitthvað, mjög indælir. Ég hef ekki fengið svona massívt kast síðan árið 2000, sem þýðir að ég er greinilega undir of miklu álagi og ég fer á mánudaginn þegar yfirmaðurinn kemur úr fríi og læt hann vita að ég sé að hætta, vonandi skilur hann það.
Annars var helgin ágæt, ég var bara í afslöppun á laugardaginn, ákvað að gera ekki neitt, ekki einu sinni jóga, fór svo bara í vinnuna en eins og venjulega var ekki búin fyrr en um eitt leytið. Á sunnudeginum reif ég mig framúr um klukkan 7.30 kom mér í gírinn fór og náði í Simonu og við brunuðum á ströndina, svitnuðum þar til klukkan 17.00(reyndar er napólska stelpan ekki með neitt strandaþol þrátt fyrir uppruna) og þá drifum við okkur til Mílanó, lentum í röð þannig að heimferðin tók 3 tíma( á meðan ferðin á ströndina tók 1 1/2 tíma) en þegar við komum í bæinn fórum við á napólskan pizzastað og fengum okkur pizzu. Pizzan var hreint guðdómleg, ekta napólsk( fyrir þá sem ekki vita er uppruni pizzunnar í Napólí) og við borðuðum á okkur gat, fyrst í forrétt borðuðum við djúpsteikt fyllt zucchini blóm,mmmm... og svo pizza Parmigiana, mmmm svo hálfa pizzu á mann til viðbótar vegna þess að ,, ég bara varð að smakka þessa pizzu!" sem var með fyllingu inni í endunum ég gat ekki klárað ég var orðin svo södd en svo bara ,,varð ég að prófa þennan eftirrétt!" samkvæmt Simónu og þess vegna var pantaður eftirréttur til viðbótar. Ég get svarið það ég var að fara að æla ég var svo södd. Simona sagði að þegar hún væri heima þá væri sko borðað miklu meira og að ég yrði að koma til hennar í heimsókn, sem ég er fullkomlega sammála og ætla að gera vonandi sem fyrst.
Sko settu saman íslenska stelpu og napólska stelpu og þú ert komin með mjög fína og einstaklega líka blöndu. Við Íslendingarnir erum miklu líkari suður-Ítölunum heldur en norður ég er alveg búin að komast að því.
Ég á alveg rosalega mikið til í ísskápnum maður, það er núna ein pizza eftirog ég verð að skipta henni í tvennt og borða hálfa í hádeginu og hálfa í kvöld, þar sem ég get ekki farið í búðina og hef ekki haft tíma til að fara í búðina í 2 vikur. En mér finnst ég hafa verið alveg rosalega sniðug síðast þegar ég fór í búðina, að kaupa bara frosnar vörur því að annars hefði ég bara þurft að henda í ruslið.
Ég var að fá tilboð frá Kanada aftur að senda þeim uppskriftir, ég er rosalega ánægð með það. Það er Íslendingakvöldverður í september á kvikmyndahátíð sem hún vill að ég sjái um.
Ég vildi bara óska að ég gæti farið þangað og verið með í fjörinu, þ.e. að sjá um veisluna.
Ég þarf að fara að byrja á nýrri bók, mamma sendi mér nokkrar og ég ætla að fara næst í spennureyfara eftir James Patterson og heitir ,,4.Júlí".
Ég horfði á Basic Instinct og Domino í gær og Basic Instinct saug feitan ekkert smá léleg! Alveg sko VERULEGA léleg! Hins vegar var Domino ekkert smá góð, Mickey Rourke kom manni laveg rosalega á óvart, var hann ekki alltaf svo lélegur leikari? Jæja hann var það allavegana ekki í þessari mynd og Keira Knightley var ekkert smá góð, bara í alla staði mjög góð mynd.
Ég ætla að horfa á V for Vendetta í dag eða í kvöld og er það síðasta myndin sem ég á í safninu :-( þar sem dílerinn minn er í fríi þessa dagana. Ég skemmti mér yfir Kvikmynd.is í gærkvöldi í smá tíma, shit hvað sumt þarna er fyndið.
Ég fékk símhringingu í gærkvöldi frá dóttur minni og það var til að segja mér sérstaklega frá því að kötturinn Klara hefði verið að leika sér að mús og að pabbi hefði bjargað músinni og að núna skammaðist Klara sín voða mikið og lægi undir rúmi. Þegar búið var að segja mér frá þessu ætlaði ég að fara að spjalla við stúlkuna en þá fékk ég bara ,, mm.. ég nenni ekki að tala meira við þig!" og hana nú! Yndislegt hvað þessi börn eru hreinskilin.
Jæja best að fara og ná sér í einhverjar kræsingar úr ísskápnum.

loksins blogg

já loksins hef ég tíma til að anda. Það er búið að vera brjálað að gera þessa vikuna, við vorum að skipta um matseðil og það er tískuvika karla þannig að ég er búin að vera að vinna 14 tíma á dag og er svooooo þreytt ég get varla talað.
Vekjaraklukkan hringdi ekki einn morguninn þannig að ég vaknaði alltof seint(sem er að því leyti gott að ég gat þá greinillega sofið)sem þýddi að ég gat ekki farið á bílnum og ekki heldur í metróinu því það er vibbi á morgnana og þar að auki allt of troðið þannig að það eina í stöðunni var að taka hjólið og bruna í bæinn, það var reyndar alveg loftlaust í aftara dekkinu en ég reyddi það hlaupandi út á bensínstöð og lét blása í það(sem tókst ótrúlegt en satt þar sem hjólið mitt er með einkennilegan ventil)allavegana ég bruna niðrí bæ og er masssa sveitt og hjóla eins og brjálæðingur með ipodinn í hæsta látandi bíla stoppa fyrir mér og svona, þetta tók mig sem sagt 10 mínútur, hehe ég var alveg búin á því þegar ég kom í vinnuna svo þegar ég kom kom í ljós að ég var 15 mínútum of snemma og var fyrst á svæðið, hmmm... hefði átt að stressa mig meira á þessu ekki satt, ha?!
En núna fer ég sem sagt á hverjum morgni á hjólinu(rólega) og það tekur ekki nema 20 mín. og ekkert vesen með stæði, en ég fer svo á kvöldin á bílnum. Ég er bara mjög sátt með það.
En svona til að byrja á byrjuninni skal ég nú segja aðeins frá alveg hreint frábærum dögum með systrum mínum.
Þær komu á laugardaginn og voru miklir fagnaðarfundir með okkur, fórum og fengum okkur pizzu og bjór og skoðuðum okkur aðeins um í miðborginni, svo fórum við heim og ég dreif mig í vinnuna og stelpurnar að taka sig til. Ég gat ekkert að því gert en ég var pirruð á því að þurfa að fara í vinnuna. En svo komu stelpurnar og borða og allir strákarnir í eldhúsinu og salnum hétu því þá og þegar að fara til Íslands!
Það var mjög súrealískt að standa í eldhúsinu og sjá systur mínar borða matinn sem ég og vinir mínir vorum að elda fyrir þær. Eftir matinn var náttúrulega mikið að gera þannig að ég þurfti að vinna aðeins lengur, hmmm... kemur á óvart! En svo fórum við stelpurnar á bar við Naviglio Grande og sátum og spjölluðum yfir bjór til klukkan 4 um nóttina. Ekkkert smá gaman. Daginn eftir fórum við svo snemma af stað á ströndina, ég var ekki alveg viss á byrjuninni á leiðinni þannig að ég spurði húsvörðinn sem var útí glugga hvert ég ætti að fara og hann byrjaði að útskýra það fyrir mér svo segir hann alltí einu, æ heyrðu ég fylgi þér bara þangað sem afleggjarinn er, sem reyndist svo vera heillöng leið. Ekkert smá næs gaur!
Dagurinn var svo yndislegur, bara legið í sólbaði á ströndinnni með systrum sínum,mmm.. algjört æði. Svo á leiðinni heim bjóst ég við svaka bílaröð inní borgina en nei ekkert, ekki ein einasta bílaröð allan tímann þannig að heimleiðin tók ekki nema 1 1/2 tíma! Daginn eftir fór ég svo í vinnuna og stelpurnar byrjuðu að fara í bæinn, en svo eftir 12 þá var lítið að gera í vinnunni þannig að ég spurði hvort ég mætti fara og fékk það leyfi þannig að ég var að hanga með þeim í bænum til klukkan 5 og þá var komið að heimför hjá þeim og mér í vinnuna aftur. Það var helvíti erfitt að kveðja!
Eftir það er ég búin að vera að reyna að finna ástæður til að vera hér áfram, eins og t.d taka saman það sem ég er búin að læra og svona en ég er ekki að finna neinar ástæður, ég lærði miklu miklu meira á Krogs og er barasta ekkert mikið að læra hér,jú náttúrulega eitthvað en ekki nóg, ég er komin með leið og ég veit ekki hvað ég á að gera, skynsama hliðin segir mér að halda þetta út en svo er örvæntingarfulla hliðin að öskra á mig að drulla mér heim!
Það eru allir svo þreyttir eftir þessa vinnuviku að fólk er í ruglinu, t.d er einn strákur að vinna með mér sem var að elda fyrir fátæka í Afríku í einn mánuð og hann fór að lýsa fátæktinni í matnum einn daginn og byrjaði að gráta, greyið. Svo daginn eftir var Simona vinkona mín með myndavélina sína og vildi láta taka mynd af okkur tveim saman og ég heyrði ekki í henni, þð var einhver annar að tala við mig, svo segir hún allt´í einu við mig ,, af hverju vilidirðu ekki láta taka mynd af þér með mér?" og fór að gráta, ég vissi ekki hvaðan á mig stóð veðrið og byrjaði að afsaka mig og sagði henni svo að ég myndi koma með myndina af okkur saman sem Óla tók og þá tók hún gleði sína á ný og svo seinna um kvöldið tókum við mynd af okkur saman, svo á morgun förum við á ströndina. En ekki nóg með þetta fór ég svo að grenja aftur daginn eftir, þeg ar klukkan var orðin 16.00 og ekkert lát á vinnu þannig að það leit út fyrir að ég fengi ekki nema hálftíma í hlé. Eins og ég segi erum við öll í ruglinu þarna núna.
Annars er hitinn hér alveg svakalegur 36-38 stig uppá hvern einasta dag og sól, ég er sátt en aðrir eru ekkert allt of sáttir. Ég þarf að skipta um nærbuxur ansi oft á dag þar sem maður svitnar svo mikið og þá sérstaklega á leiðinni heim á hjólinu. Í vinnunni núna þá stend ég kjurr og svitna! Við vorum þó með viftur á Krogs en þarna er bara látið sig hafa þetta og haldið áfram að vinna. Ég skil ekkert í ítalska liðinu að láta þetta yfir sig ganga! Að enginn skuli láta vita af þessu, ég trúi því ekki að þetta sé leyft innan Evrópusambandsins! Þvílík þrælkun og maðurinn hefur samvisku í að láta mann hafa,MEÐ BROS 'A VÖR, 400 evrur fyrir! Ég hef eiginlega komist að þeirri niðurstöðu að hann er samviskulaus og gráðugur! T.d var að koma til okkar nýr meðlimur frá Suður Kóreu, hann kemur úr matreiðsluskóla þaðan í einskonar skipti vinnu, nema hvað að Signor Leemann segir við skólann að hann hafi herbergi fyrir drenginn! Herbergið er hinn mesti viðbjóður, þar er ógeðsleg myglulykt, skordýrin leika sér þar að manni og ekki nóg með það heldur er sameiginlegt baðherbergi MEÐ STARFSMÖNNUM VEITINGASTAÐARINS, sem eru samtals um 20 manns og þ.a.l hinn mesti viðbjóður og ég myndi ekki skíta þar þó mér væri borgað fyrir það! Finnst ykkur þetta heilbrigt??? Að maðurinn skuli bjóða uppá þetta, enn og aftur með bros á vör, er alveg hreint með ólíkindum. Greyið drengurinn er búinn að vera alla vikuna með bauga niður á hæla(´þó hann vinni ekki nema 6 tíma á dag) allur útí moskítobitum(á stærð við Ísland)og jú bara næstum grenjandi yfir þessu. En hann sagðist vera búinn að finna íbúð og flytji inn í dag. Sniðugt sem Kóreubúar hér hafa, það er einhvers konar viðskiptanet, þannig að þú færð bara einhverja verfsíðu og segist vera kóreubúi að leita að .. einhverju.. og þá færðu svar á innan við klukkutíma. Við vorum öll að segja honum að hann myndi þurfa að leita sér að herbergi eða íbúð í geðveikt langan tíma en hann reddar þessu bara á no time! Flott hjá honum!
Ég er núna búin að vera að lesa Heimskir hvítir karlar eftir Michael Moore og horfði svo á myndina hans Farenheit 9/11, hvílíkur viðbjóður! Þá er ég að meina Bush, og hvílíkir heimskingjar sem búa í Bandaríkjunum, ok hann svindlaði sér inn en hann var samt með næstum helming atvæða ekki satt, sem þýðir að næstum helmingur þessara heimsku kana vildi fá fíflið í stólinn! Michael Moore er mesti snillingur í heimi, sjáðu á meðan ég skrifa þetta er ég strax orðin smeyk við að nú komi einhver og taki mig fasta fyrir eitthvað sem ég gerði ekki bara útaf því að ég skrifaði BUSH ER FÍFL á netið!!!
Díses ég er hér uppí rúmi að skrifa á bloggið mitt og er strax að verða of sein í vinnuna, finnst ykkur þetta eðlilegt.
hmm.hmm eins og sést er langt síðan ég leit í Munkurinn sem seldi sportbílinn sinn bókina..... Jákvæðar hugsanir inn neikvæðar hugsanir út,, repeat!
Jæja best að hoppa upp í bílinn sinn og koma sér í kokkagallann!
Hvernig og hvenær datt mér í hug að verða kokkur, er ég hálviti!
Fyndið samt hvernig maður getur stundum séð björtu hliðarnar í lífinu á sínum verstu stundum, ég var í fyrradag á mínum 14. klukkutíma í vinnunni og fór að hugsa um bílinn minn og hvers konar letilífi ég lifi, að geta bara hoppað uppí bíl og ýtt fætinum rétt aðeins niður og upp og búið og ég væri komin á áfangastað, merkileg uppfinning þessi bíll, og brosti svo út í kampinn!!!!

AAAAAAAAAAAAAAAAAAAAAAAAAAAAAA ÓLA OG ÞORGERÐUR ERU AÐ KOMA!

ÉG GET EKKI HÆTT AÐ ÖSKRA! STRÁKARNIR Á BYGGINGARSVÆÐINU HÉR FYRIR UTAN HALDA AÐ ÉG SÉ GEÐBILUÐ!
Verð að fá frí á laugardaginn!
Verð að hlaupa í vinnuna, sjáumst!

Htinar með hverjum deginum

Já það er farið að vera um 30 stig á kvöldin og nóttunni og 33-35 á daginn, mér líður alveg rosalega vel í svona hita og er alveg að fíla þetta, ennþá. Það er alveg yndislegt í vinnunni og þetta fólk sem ég er að vinna með er hreint út sagt sér á báti, þau eru svo yndæl. Þetta er reyndar farið að taka á með söknuðinn eftir Heklu, ég er alveg að drepast núna og langar svo að knúsa hana. Ég er hætt að sofa á nóttunni útaf þessu en vonandi fer þetta að lagast, tvær vikur er mér sagt. Ég átti soldið erfitt í morgun og gat ekki haldið tárunum aftur þannig að ég hljóp grenjandi inn á klósett og það náttúrulega tóku allir eftir þessu og svo þegar ég kom til baka þá komu þau öll eitt og eitt og knúsuðu mig og gáfu mér kaffi og hughreystu mig hægri vinstri, alveg yndisleg. Signor Leeman var búin að segja við þau áður en ég kom að ég myndi líklegast eiga erfitt allavegana fyrst og að þau ættu að sýna skilning. Eftir þetta þá gat ég tekið gleði mína á ný, og svo gerði ég jóga þegar ég kom heim í pásunni og fór í sturtu og svona þannig að mér leið miklu betur á eftir.
Ég fékk svo alveg frábær bréf frá Danaveldi þegar ég kom heim í kvöld, endurgreiðsla frá skattinum, hljómar eitthvað betur en það??? Sem þýðir að við getum borgað visa og byrjað strax að safna fyrir næsta ári, geggjað!!!
Ég var líka send heim snemma í kvöld þar sem það var ekkert að gera, þannig að ég gat talað við Heklu í webcam og það er svo mikill munur að geta það. Þannig að núna held ég barasta að ég geti farið sátt í bólið með Heimskir hvítir karlar eftir Michael Moore.
Hvað maður hafði það gott í Danmörku og var ekki að fatta það! Nú sannfærist ég enn frekar um spekina að lifa í núinu og njóta líðandi stundar ekki vera alltaf að hugsa að grasið sé grænna hinum megin.
Við fengum að vita að síðustu 3 laugardaga í júlí eru fríir og líklegast verð ég ein í Mílanó á þessum tíma, þar sem Biggi og Guðbjörg verða í fríi og Jole og Piero farin upp í fjöllin, þannig að ég var að spá í að koma mér niður á strönd og vera bara ein í afslappelsi, jóga og frið og ró með bækur og ipod leigja mér hótelerbergi í eina nótt og bara njóta þess að vera á Ítalíu við ströndina með eigin bíl og dekur! Hugsið ykkur að maður skuli voga sér að kvarta!
Fór í gær á Idroscalo með Guðbjörgu en sólin ákvað að vera bara í fríi þannig að við fórum bara í bæinn í HogM og keyptum á okkur sumarföt fórum svo og fengum okkur bjór og rauðvín og bara slökuðum á. Ég fór svo um kvöldið á Festivali latino americano með Jole,Piero, Beu og giuliu og skemmtum okkur konunglega við salsa músík beint í æð og fullt af rauðu kjöti á Argentínskum veitingastað. Svo fórum við að skoða föt og skartgripi frá Suður-Amríku og ég stóðst ekki mátið og keypti tvo alveg hrikalega sæta sumarkjóla á Heklu. Reyndar var mér svo bent á það seinna að Hekla væri ekkert meira hér þetta sumarið, en það var þess vegna sem ég keypti tvo jú nefnilega keypti ég annan soldið stóran til að hún geti þá notað hann næsta sumar!
En ég var nú ekkert rosalega sniðug með skóval í gærkveldi því að maður var mikið að ganga og dansa og ég var á háu hælunum mínum sem eru um 8 cm þannig að ég var að drepast í táslunum þegar ég kom loksins heim um 1 leytið um nóttina. En þetta var alveg frábært og á næsta ári dreg ég alla Íslendinga með sem verða á landinu og förum á fyllerí og dönsum salsa fram á rauða nótt!!!
Jæja nú ætla ég að koma mér í bólið

Stutt blogg

Já það verður stutt í dag ég er að drífa mig aftur í vinnuna.
Það er fínt í vinnunni en það tekur aðeins lengri tíma að venjast því að vera svona einn. Sofa einn hvað er eiginlega langt síðan það gerðist??? Ég á eiginlega erfiðast með það og sef því varla neitt á nóttunni, en þetta kemur allt saman, ég svaf allavegana meira í nótt en nóttina þar áður, þannig að ég er bjartsýn. Heklu virðist líða bara ansi vel og er byrjuð á leikskólanum hjá ömmu sinni og frænku og þar tala allir ítölsku og mamma var voða vitlaus að halda að allir tali íslensku þar(einhver ruglingur í gangi).
Annars fór ég í atvinnuviðtal í gær á hóteli hér í borg sem er 5 stjörnu hótel og þeir voru að bjóða mér vinnu annað hvort 5 tíma á dag eða 8 tíma á dag 5 daga vikunnar og það er frá 6.30-11.00 eða 6.30-15.00, og þeir myndu borga mér annað hvort 800 evrur á mánuði eða 1000. Ég játaði að ég væri áhugasöm mjög en væri hins vegar ekki laus fyrr en í september í fyrsta lagi, og hann sagði að það væri í lagi en myndi þó hringja aftur í mig í sambandi við hvort ég kæmi í prufu eða ekki, ef hann hringir ekki fékk ég ekki vinnuna en ef hann hringir ´þá fæ ég líklegast vinnuna. Ég get svo sem alveg verið í þessu og fengið 1000 evrur fyrir eins og að fara í eitthvað nám sem ég er ekki einu sinni viss um að ég vilji vera í og fá lán uppá 1000 evrur á mánuði!
Ég er að lesa alveg hreint frábæra bók hún heitir Munkurinn sem seldi sportbílinn sinn, ég var að klára hana og ég er að spá í að lesa hana strax aftur, það hef ég aldrei gert áður. Hún hjálpar mér svo ótrúlega mikið þessa dagana að það hálfa. Ég mæli eindregið með henni fyrir alla sem vilja hamingjuríkt líf.
Vitiði hvað ég geri í pásunni minni á daginn, ha! þið getið aldrei uppá því. Ég geri jóga í klukkutíma! FInnst ykkur ég ekki dugleg??? Mér finnst það og ég er mjög stolt af mér og alveg dauðþreytt en ég ætla að halda þetta út í 21 dag og sjá hvort að þetta verði ekki bara að vana og að mér líði ekki bara ennþá betur og hafi meiri orku! Viljastyrkurinn mun halda mér gangandi!
Ég er sterk hef kjark og er dugleg!

vel steikt!

Já það var farið í sólbað í sundi í gær og jesús minn hvað ég er brennd og eins og vanalega er það í fallegum flekkjum um allan líkamann, ég ætla aldrei að læra!
Sverrir og Hekla eru farin og var það mjög erfið kveðjustund á flugvellinum, Hekla náttúrulega skildi ekkert í því hvers vegna foreldrar hennar voru grenjandi þarna á miðjum flugvellinum, hún var bara að fara í flugélina og hafa það skemmtilegt, henni finnst alltaf svo gaman í flugvélum. Ferðin gekk að sögn mjög vel fyrir utan smá fall á Kastrup flugvellinum og smá bólgna vör, annars svaf hún mestan part seinni ferðarinnar frá Kaupmannahöfn til KEF og svo var náttúrulega veisla um kvöldið með föreldrum mínum og Sverris. Hekla var líka mjög glöð að hitta Hörð Sindra aftur og hann sömuleiðis og skemmtu þau sér vel saman. Um kvöldið þegar allir voru farnir og hún átti að fara í ból þá var hún komin í skóna sína og var á leiðinni heim þar sem hún á ekkert heima á Íslandi hún ætlaði bara heim til mömmu og fara að sofa þar.

Ég fór hins vegar með Telmu og Báru á pizzastað hér í borg og þetta var loksins besta pizza sem ég hef fengið, hún var alveg geggjuð, miklu betri en á þessari Fabricu sem allir dásama hér, þessi sló þeim þokkalega út. En þegar við vorum búnar að borða og eiga saman gott spjall þá förum við og ætlum að borga(eða öllu heldur ætlaði Bára að splæsa)en þá segir afgreiðslustúlkan ,, heyrðu maðurinn sem sat við hliðiná ykkur borgaði allan reikninginn" hahaha við fengum nett sjokk, þeir voru ekki búnir að láta í sér heyra allan tímann svo kemur þetta, við náttúrulega tókum í hendina á honum og þökkuðum kærlega fyrir okkur. Þetta hefur nú aldrei gerst áður, fyrir mig þ.e.a.s.
En eftir matinn fórum við í skólan þeirra(og Sverris) á sýningu sem var þar haldin á öllum verkefnum 1.,2. og 3. árs nemenda og þar var módel frá Sverri sem bar af öllum hinum, hann er bestur kallinn minn. VIð vorum þarna í 2 tíma en þá var ég komin með nóg og var orðin þreytt og vildi bara fara upp í rúm, þannig að ég beilaði og var komin heim í símann til Íslands á hálftíma. Stelpurnar héldu eitthvað áfram frétti ég svo áðan, fóru víst út að djamma á eftir, ég hefði nú svo sem alveg verið til í það líka hefði ég ekki átt að fara í vinnuna í dag.
Í fyrradag komumst við að því að vespan okkar er dáin drottni sínum og vaknar ekki aftur til lífs nema fyrir miklar peningafúlgur sem við erum ekki tilbúin til að borga. Ég verð því að reyna að fara á bílnum og ef það er alveg ómögulegt að fá stæði þá verð ég bara að fara á hjólinu mínu, því að ég tek það sko ekki í mál að fara með metróinu svona seint á kvöldin, það er sko á hreinu.
Þegar við komum svo heim eftir að hafa fengið þessar fréttir þá missti Hekla óvart sjónvarpsfjarstýringuna í gólfið og hún mölvaðist , þannig að það er ekki hægt að horfa á sjónvarpið(ekki það að það hafi legið fyrir að gera mikið af því en það hefði verið notalegt svona annað slagið).
Ég ætla að reyna að gera eitthvað með stelpunum á morgun, sjáum til hvernig veðrið verður og líkamsbruninn hvort hægt verði að liggja í sólbaði allan daginn.

Che bella!

Já það er nú ekki mikið að gerast svo sem á þessum bæ. Allt á fullu með undirbúning heimferðar Sverris og Heklu,eða svona þannig, Sverrir byrjaði að pakka í gærkvöldi. Þau fara mjög snemma í fyrramálið, eða seint í nótt kannski frekar.
Ég er búin að ákveða að fara ekki aftur að vinna á Joia í haust, ég fer núna og verð fram í ágúst en svo ekki meira því að þetta get ég ekki lagt á mig né fjölskylduna aftur. Þannig að minn flugmiði heim til Íslands í þetta skiptið mun vera aðra leið og svo ræðst bara með ferðina til baka seinna.
Ég verð víst að taka allt umtal um Vectavir til baka því að frunsan blómstraði ekki, ég slapp við hryllinginn, sem er líklegast í fyrsta skipti á ævinni sem það gerist og guði sé lof því að ég bjóst við einhvers konar freak of nature frunsu, þetta var svo massívt þarna um nóttina.
Ég fer aftur í vinnuna á laugardaginn, hlakka bæði til og kvíði fyrir, að sjálfsögðu.
Gæðavespan okkar er í viðgerð og maðurinn sagðist ekki vita hvað það myndi kosta, það boðar ekki gott og ég hlakka ekki til að fara og ná í hana.
Fórum í bæinn í gær og keyptum sólgleraugu handa Heklu, svo þegar við komum heim þá stóð hún fyrir framan spegilinn og setti sólgleraugun upp og sagði við spegilmynd sína ,, Halló!" svo tók hún gleraugun niður og sagði ,, nei, halló, ég hélt þú værir týnd!" svo gerði hún þetta aftur og aftur, ekkert smá fyndið(hún vissi ekki af mér)
Svo í morgun þegar við vorum að fara í leikskólann segir hún ,, heyrðu ég vil hafa sólgleraugun, svo þegar ég kem í leikskólann þá segja allir ,ohhh che bella' "
Rassgat!
Hlakka til að fá mömmu og pabba í heimsókn. Vill enginn annar koma í heimsókn, ég er ein í íbúðinni þannig að það er nóg pláss!?
Guði sé lof fyrir lággjalda flugfélög! Ég var að tékka á fari með hinum flugfélögunum eins og t.d. Icelandair og það var ekki hægt að fá flug til Íslands undir 85.000 kr. rosagott tilboð. En sem betur fer get ég farið með öðrum flugfélögum þannig að ég þarf ekki að borga neitt svo mikið, bara smá.
Það sem maður er að pakka mikið af fötum fyrir Heklu, ég get svarið það, þetta fyllir örugglega heila tösku bara fyrir hana! En þau eru náttúrulega að fara í 4 mánuði þannig að það er soldið skiljanlegt. Er mjög kalt heima? þurfum við að taka öll vetrarfötin líka?
Í fyrsta skipti er á ævi Heklu er hún að verða uppiskroppa með ullarpeysur, eða bara peysur, hún er að vaxa uppúr þessu öllu saman.

Með Angelinu Jolie varir!

Já ég vaknaði í nótt með púlsandi neðri vör, hélt fyrst að Sverrir hefði gefið mér verðskuldað olnbogaskot, þar sem ég nennti ekki að elda kvöldið áður, en þegar ég hafði dröslað mér á klósettið til að athuga hvað væri í gangi sá ég ekki betur en að hin myndarlegasta frunsa væri að myndast þarna. Sem betur fór fann ég Zovir eða vectavir eftir nokkra leit og gat sofnað eftir það, en í morgun var hún þarna enn þótt ótrúlegt megi virðast þar sem þetta frundumeðal virkar alltaf, eða þannig, er einhver sem getur sagt mér að þetta krem hafi virkað á frunsu þeirra???
Ég fæ þetta bara þegar ég er verulega stressuð og jú það er ég nú, dagurinn nálgast , 9.júní, er ekki svo stutt síðan 1 maí var?
Ég fór með stelpunum á laugardagskvöldið út að borða og svo á skemmtistað á eftir. Við vorum 8 talsins og ég ,Telma,Guðbjörg og Bára hittumst fyrst hjá Telmu og fengum okkur rétt í glas og biðum eftir vinkonum Báru, þegar þær voru reddý fórum við á veitingastaðinn sem er mjög hipp og kúl, það gátum við merkt því að fyrir utan voru parkeraðir hvorki meira né minna en 3 rauðir Ferrari sportbílar. Við fengum 3 rétta máltíð með appiritivo og vín með á svo sem ágætisverði, en ég verð að viðurkenna að maturinn var hreint út sagt hræðilegur en sem betur fór var félagsskapurinn muuun betri, við skemmtum okkur mjög vel, reyndar var Tiramisuið ágætt en mér fannst það þó betra bæði hjá Guðbjörgu og Telmu. Eftir matinn var svo farið á enn meiri hipp og kúl skemmtistað sem liggur við hliðiná veitingastaðnum, þar beið okkar borð og sófar ásamt rommflösku og kóki, hvorki meira né minna en við hliðiná plötusnúðinum. Við fengum algjöra royal trítment þarna og er það allt saman Báru að þakka, hún þekkir sko rétta fólkið hér í borg. Ég reyndar fékk mér 3 sopa af romminu og kókinu og þar sem mér þykir það vera hinn versti drykkur og hefði helst átt að sleppa því að finna hann upp þá gat ég ekki meir og fór á klósettið til að æla viðbjóðinum upp, sem tókst mér til mikillar furðu(þar sem ég á frekar erfitt með uppköst og þá sérstaklega viljandi uppköst) og leið mun betur eftir það en hafði þá ekki lyst á meira víni, var sem sagt búin að drekka ansi lítið og var því nokkurn vegin edrú, sem var svo sem allt í lagi þar sem það var hvort eð er svo skemmtilegt og einhvern veginn bauð umhverfið ekkert rosalega upp á það að vera eitthvað full þarna. Þarna var ansi vel bjart og þar sem við vorum 8 ljóshærðar stelpur allar gullfallegar og þar að auki við hliðiná plötusnúðinum þá tók ég eftir því að við vorum ansi mikið til sýnis þarna. Mér hefur nú reyndar aldrei liðið neitt vel í þannig aðstöðu þannig að maður bara reyndi að snúa sér frá dansgólfinu en að því. En svo kom að lokum kvöldsins og við fórum upp í leigubíl,ég og Guðbjörg, og ég get svarið það maðurinn keyrði svo hratt að ég hef aldrei fengið eins ódýran leigubíl. Ég kom sem sagt heim í góðu ástandi og á skikkanlegum tíma, þetta bara batnar við að verða gamall!
Sunnudagurinn lofaði góðu með sólskini og hita og ákváðum við því að drífa okkur út í garð, en eftir stutta stund þar kom í ljós að litla stúlkan var komin með hita og við þurftum að drífa okkur heim í ból og eyddum við þannig deginum við lestur og sjónvarpsgláp. Svo sem ágætt þar sem maður var pínu þreyttur eftir að hafa komið heim um 4 leytið um nóttina.
Hekla er núna hitalaus sem betur fer en mig grunar að það eigi eftir að breytast með deginum, vonum þó það besta.
Var að klára Valkyrjur eftir Þráinn Bertelsson, ég fíla þennan rithöfund mjög vel. Þessi bók er frábær, skemmtilega skrifuð og alveg nógu spennandi, flækjan var þó einföld en þar sem hún var góð er það fyrirgefanlegt. Frábær bók.
Ég fer næst í bók sem heitir Munkurinn sem seldi sportbílinn sinn eftir Robin S.Sharma
Hvað er annars að frétta af ykkur???

Loksins aðgangur að tölvu

Já þá fær maður loksins aðgang að tölvunni,það er rétt sem þeir segja að pör þurfi 2 tölvur!
Annars er svo sem ekki mikið að gerast hér á bæ, lífið gengur sinn vanagang og Hekla verður stærri og stærri, ég get svarið það af öllum þroskastigum hingað til á hennar 3 árum þá er þetta þroskastig alveg magnað, hún pikkarupp nýtt orð í orðaforðann á hverjum degi og nýjar uppgötvanir, það er ótrúlega skemmtilegt að fylgjast með þessu hjá henni. Hún er núna t.d. farin að greiða á sér hárið á hverjum morgni, eitthvað sem ég varð að berjast til að gera á hverjum morgni hér áður, núna stendur hún fyrir framan spegilinn og greiðir sér alveg heillengi. En matvendni hennar er ekkert að lagast, hefur það að sjálfsöðu frá föður sínum.
Ítalirnir eru nú alveg met, ég gekk framhjá konu í gær sem stóð og betlaði og var með 2 börn hjá sér(ekki sígauni) hún stóð fyrir framan bar með ekkert í bauknum, Hekla var svöng svo að við fórum inn á barinn til að kaupa brauð handa Heklu, hún vildi ekkert sem var með áleggi þannig að ég spurði hvort þeir ættu bara brauð og þeir gáfu okkur þá brauðið og við fengum ekki að borga fyrir það! Kannski voru þeir búnir að gefa hinum börnunum líka, ég veit svo sem ekkert um það en þetta var soldið einkennileg staða.
Jæja þá er Prison Break serían búin ásamt Lost og ég er búin að lesa þriðju bókina. Nett súrt þetta með þættina en maður bíður þá bara spenntur eftir haustinu, eitthvað að hlakka til þið vitið.
Kvíðinn er byrjaður að læða sér að mér eina ferðina enn, en nú er ástæðan ljós og ekkert við henni að gera, það er að Hekla og Sverrir eru að fara og ég verð hér ein eftir. Hvað gerir maður án nærvistar barna sinna?????
Það er búið að vera heldur kalt hér að mínu mati, þar sem ég vil helst vera í 30+, en núna er bara 20 gráður og soldið kaldur vindur en það á að hlýna í vikunni.
Ég fór í heimsókn í vinnuna í fyrradag og allir tóku mér mjög vel og ég fékk meira að segja koss á báðar kinnar frá Signor Leeman. En því miður höfðu þeir brotið ostruhnífinn minn, frekar súrt þar sem þetta fæst ekki hér en eg ætla að athuga hvort Anna Helga sé nokkuð til í að kaupa nokkra svona fyrir mig.
Kláraði Tími nornarinnar eftir Árna Þórarinsson, ágætis bók heldur hæg fyrir spennufíkilinn mig, fer næst í Valkyrjur eftir Þráinn Bertelsson.
Fer á morgun út að borða með stelpunum hér, við förum á mjög kúl stað og ætlum aðeins að skemmta okkur, hlakka mikið til.
Svo ætla ég að reyna Waveboarding á sunnudaginn, vonandi verður maður í standi til þess. Þetta er eins konar snowboarding á sjónum. Gaman gaman.
æ eins og þið sjáið er ekki mikið í fréttum hér þannig að ég ætla að láta röflinu lokið að sinni.