myndir myndir myndir

Hekla Hekla Hekla

ææææ litla Heklu grey er með bronkítis og geltir allan liðlangan daginn. Ég fékk pensilín hjá lækninum í gær sem betur fer. En núna veit ég ekki hvort það sé í lagi að vera með viftuna í gangi eins og þörf er á, útaf hitanum hér. Ef einhver þekkir lækni má hann alveg spyrja að því og láta mig vita, læknirinn minn svarar ekki í símann sinn og ég snillinn mikli fékk hjá honum gsm númerið hans í gær en er búin að týna því:(
Katrín litla systir Sverris er komin og Hekla er alveg í skýjunum(ásamt okkur að sjálfsögðu) gaman að fá frænku litlu í heimsókn, verst að næstu 6 daga á Hekla að vera inni. Sverrir er líka að fara í próf á miðvikudag og fimmtudag þannig að hann verður að læra þangað til. En við getum nú vonandi farið með Katrínu út, eitthvað smá.
Jæja best að fara að borga Sky svo Hekla þurfi ekki að horfa á Latabæ 2 í hundraðþúsundasta skipti!

Íslendingarnir standa sig!

Já svo sannarlega.
Við stóðum fyrir picnic,barbeque í garðinum okkar og það var verulega tekið á því get ég sagt ykkur! Það var etið,drukkið og næstum því sungið,kannski var sungið ég bara man það ekki. Við stelpurnar stungum reyndar af um 1 leytið og fórum á skemmtistað hér í borginni og héldum áfram drykkjulátum okkar þar;)
En mikið djöfull var gaman!
Það var hins vegar ekki eins skemmtilegt daginn eftir, við vorum svo ógeðslega þunn að það hálfa! Við gátum ekki hreyft okkur. Ég fór útí búð til að reyna að hressa mig við en svo er það náttúrulega þannig hér að maður bara labbar á vegg þegar maður kemur út og það er allt annað en hressandi!
Hekla virtist vera í lagi þann daginn en svo daginn eftir og í dag er hitinn kominn aftur og hóstaköstin. Þannig að það er læknir á eftir.
Hitinn fer hækkandi með hverjum deginum en það eru ennþá nokkur ský en það vonandi lagast áður en við förum í fríið. VIð ætlum að fara í dag og leita að tjaldi fyrir ferðalagið.
Katrín systir Sverris kemur í kvöld og það er mikil tilhlökkun á heimilinu. Svo er líka sýning í skólanum hans Sverris í kvöld. Allt að gerast. Svo fékk Sverrir út úr prófunum og hann er algerlega að brillera þarna. Það var bara 8,9 og 10,10. Glæsilegur árangur!

mmmmmmm......

Próflok!

Jæja þá er prófið búið og ég held barasta að mér hafi gengið tja svona allt í lagi, allavegana betur en flestum í bekknum.
Hekla fór í morgun í leikskólann en það var síðasti dagurinn í dag þar sem þessi leikskóli lokar yfir sumartímann. Einstaklega skemmtilegt ef maður lifði normal lífi hér eins og heima, ekki satt. Nú þurfa hinir foreldrarnir annað hvort að redda barnapíu í allt sumar eða að láta krakkana í sumarskólann sem kostar 19.000 kall vikan, ásamt því að borga venjulegt mánaðargjald í þennan, afsökunin: jú þetta er skóli líka og því þarf að borga allt árið um kring, einstaklega lógískt ekki satt.
En þar sem við erum svo heppin að þurfa ekki að kyngja svona vitleysu þá, hmmm...já þá borgum við leikskólann hér í sumar og leikskólann heima og flugfar og allt, nú jæja en það sem við fáum í staðinn er ómetanlegt. Í dag fengum við alveg hreint frábæra sendingu í póstinum, það var geisladiskur frá Bassa vini Sverris og á honum var ýmislegt sem þeir gera vinahópurinn og líka brúðkaupin sem hafa verið haldin hingað til í hópnum. Þessi diskur er alveg hreint ómetanlegur og gerði það að verkum að við erum bæði með tárin í augum af heimþrá(já ok bara ég... en smá líka Sverrir). Ég þakka Bassa innilega fyrir þetta, alveg hreint frábært!
En í kvöld verður veisla að mínum hætti.
Forréttur:
Fyllt,djúpsteikt zucchini blóm. Fyllingarnar voru ferns konar.
fylling 1: mascarpone, gráðosta og kampavíns
fylling 2: ricotta,salt. pipar og ólífuolía frá Gardavatni
fylling 3: ricotta, rauðlaukssulta(red onion relish)
fylling 4: mozzarella,prociutto crudo(venjulegt prociutto)og graslaukur

Aðalréttur:
Sjávarréttatagliatelle
þar í mun vera lítill humar, kræklingar, risarækjur, smjörsteiktir sveppir, hvítlaukur, engifer, hvítvín, laukur, kjúklingakraftur og síðast en ekki síst rjómeh.

Ohhh ég get ekki beðið.......

Var ég búin að segja ykkur frá því að ég gerði ís í Kitchenaid-ísgerðarskálinni minni, það var súkkulaði ís gerður úr lífrænt ræktuðum eggjum og súkkulaði sem ég keypti í klaustri hér í borg.Munkarnir gerðu það allt saman sjálir, tja fyrir utan að ég geri ráð fyrir að hænurnar þeirra hafi verpt eggjunum.
Hann var hreint út sagt uuuunaðslegur!!!

hvaða heilahluta nota karlmenn eiginlega

í alvörunni, ég bara spyr....

Ég hef einhvern veginn aldrei hugsað neitt svakalega út í þetta mál með að karlmenn séu frá Mars og konur frá Venus þar sem ég hef verið alveg jafn tillits- og hugsunarlaus og maðurinn minn í okkar sambandi. Gleymdi(ok gleymi) hlutum endalaust, fann aldrei neitt, straujaði aldrei neitt(lét hann yfirleitt strauja fyrir mig, pakkaði ekki í töskurnar fyrir ferðalög og hvað þá mundi eftir afmælum og allt þar fram eftir götunum. En nú eru hormónarnir eitthvað að breytast hjá mér og ég er algerlega hætt að skilja hvaðan karlmenn koma. Er ekki hægt að flokka þá einhvern veginn öðruvísi?
Mér finnst persónulega stórmerkilegt að það sé hægt að komast í gegnum lífið án þess að hugsa um...tja já bara hugsa yfirhöfuð!!!


En að öðru:
Ég er að fara í lokaprófið á morgun og mér finnst ég engan veginn tilbúin, þyrfti viku í viðbót til að læra þetta alveg pottþétt. Er svakalega stressuð fyrir þetta próf þó svo að þetta sé í rauninni bara fyrir mig þá vil ég að mér gangi vel.
bögg...
Við ætlum að vera með Íslendingagrill/picnic á laugardaginn, til að fagna próf- og skólalokum. Þetta verður eins konar lokapartý ársins, árshátið okkar Mílanóbúa.
Vonandi verður veðrið gott, það hefur nefnilega rignt síðustu 2 vikurnar og mér sýnist að þessir veðurfræðingar hér séu barasta 100 sinnum lélegri en okkar heima. Hekla er búin að vera veik síðustu vikuna, hún er ekkert smá oft veik þetta grey og alltaf er það hálsinn.
Láta taka kirtlana úr!
Ég las Litla stúlkan með eldspýturnar aftur í gær og bjóst nú við því að geta nú harkað af mér væluskapinn í þetta skiptið þar sem ég er nýbúin að lesa bókina en neinei viti menn ég rétt komst í gegnum hana og vældi og vældi. er ekki í lagi?!
Við Sverrir áttum 8 ára afmæli á þriðjudaginn og fengum okkur sushi og drukkum vín frá Gardavatni með, æðislega gott.
Mamma átti líka afmæli þ.5.júní hún varð 58 lítur út fyrir að vera rétt orðin 45. Til hamingju mamma mín.
Jæja nú verð ég að drulla mér í lærdóm!

Hekla...

Hekla er með æði fyrir brauði með miele(hunangi).

....fór á sína fyrstu balletsýningu um daginn með móður sinni, og ætlar að verða ballerína þegar hún verður stór, þrátt fyrir að sýningin hafi verið með eindæmum léleg(hún fer allavegana ekki í þennan ballettskóla)

....vaknaði um daginn og sagði ,,ohh mamma mig dreymdi svo skemmtilegan draum, ég átti sólarrúm og mitt eigið herbergi" Ég spurði hana þá hvað væri ,,sólarrúm", þá sagði hún ,, það er svona rúm sem er svona niðri, þú veist, ekki svona uppi, sko" sem sagt ekki koja eins og hún á heldur venjulegt rúm, og mamman fékk pínu í magan af sammara fyrir að geta ekki verið í aðeins stærri íbúð.

....á ca. 200 buxur en vill einungis ganga í kjólum ,,sem snúast" sem sagt fara upp þegar hún snýr sér í hringi.

...velur alltaf fötin sem hún vill fara í á morgnana(Óla! minnir nett á þig)

...getur verið í baði í 2 klst, mamman þarf að draga hana uppúr

... segir alltaf ,,ruslafæði" í staðinn fyrir ,,ruslafata"

Hekla er fallegasta barn í öllum heiminum!

Jíííhahaaaa!!!

Já þá er það staðfest! Ég er komin með vinnu á klakanum! Verð á VOX í sumar í hádegisverðarhlaðborðinu. Þetta er glæsilegt tilboð í alla staði og ég hlakka mikið til að byrja og vera með þeim þarna á þessu glæsilegasta hóteli landsins.
Hamingjuóskir væru vel þegnar í hinu svokallaða kommentakerfi, koma svo krakkar, hætta að bara kíkja, kommenta líka!!!

úps ekkert blogg í heila viku!!!

já það er búið að vera brjálað að gera þessa vikuna en alveg einstaklega skemmtileg vika samt sem áður.
Ég var nefnilega með sexstugsafmæli Jole á þriðjudaginn og svo var Íslandskynning á miðvikudaginn þar sem ég var einnig að kynna mig. Veislan sló alveg í gegn og allir í boðinu tóku hjá mér nafnspjald, bæði þeir mikilvægu,þ.e. þeir sem hafa mikil áhrif og einnig hinir sem gætu reddað mér litlum partýum. Þessi veisla var fyrir 40 og gerði ég allt saman í eldhúsinu hjá mér, maður er orðinn svo vanur að vinna í litlum eldhúsum þannig að þetta var lítið mál, bara spurning um góða skipulagningu. Íslandskynningin var aðeins öðruvísi en ég hafði ímyndað mér, konsúllinn okkar hafði sagt mér frá því að þarna yrðu samankomnir margir ræðismenn frá öðrum löndum en aðeins voru þarna mættir 2 ræðismenn annars staðar frá og restin var svo gamlingjar sem ég geri nú ekki ráð fyrir að fá nokkur viðskipti frá. Ítalir eru einstaklega íhaldssamir í matarsmekk og vilja einungis sitt elskaða pasta, sérstaklega gamla fólkið! Hinir ungu eru aðeins að liðkast í þessu og er ég aðallega að stíla inná þann markað og einnig hina aðeins betur efnuðu þar sem þeir virðast líka vera aðeins ævintýragjarnari í þessu. Ég reyndar fékk boð um að gera veislu fyrir Íslandskynningu einhverskonar í Flórens í næstu viku og ég varð mjög upp með mér en þegar hún sagði mér fjöldan var úr mér allur vindur þar sem talan var 300!! Ég get því miður ekki tekið að mér svo stórar veislur þar sem ég er bara alein í þessu:(
Ég tók mig loksins saman í andlitinu og sótti um vinnu heima fyrir sumarið og viti menn ég fékk glæsilegt tilboð frá einu flottasta hóteli á Íslandi! Það er allt að smella saman og ég segi betur frá því seinna, þegar allt er komið í hús.
Skólinn er orðin ansi strembinn núna, það er búið að bæta við beisiklí öllum tíðum sagnanna sem eru 15 talsins, við erum því miður ekki með þetta allt saman í íslenskunni en þó ansi mikið af þessu sem betur fer. Ég er loksins komin með íslensk-ítalska orðabók(og ítalsk-íslenska) og það hefur svo sannarlega skýrt ýmislegt fyrir mér. Ég er góð í ensku en það er bara lítil sem engin málfræði í enskunni og allar tíðirnar eru með sama orði, æ það er ansi margt í þessum tveimur tungumálum sem hefur sama orð, þannig að ef mig vantaði útskýringu á einhverju þá var það ansi oft sama orð í enskunni og ég engu nær. En nú mun þetta allt verða auðveldara, vonandi!
Ég fór með Heklu á ,,playdate" í gær, heim til vinkonu hennar í leikskólanum og sú á litla systur, einnig á hin vinkona hennar lítinn bróður og viti menn Hekla er allt í einu orðin obsessed á því að eignast systkin, talar ekki um annað og hinn ímyndaði vinur hennar, sem er alltaf til staðar, er orðinn systir hennar í stað ástarinnar hennar.
Það hefur rignt hér síðstu vikuna og er það einstaklega niðurdrepandi og allir komnir með kvef og hósta. Hitinn féll niður í 14°C úr 38°C þannig að það er svo sem ekki skrítið að maður fái kvef með því.
Annars fór ég með Báru, Telmu og Rósu á Gattopardo á fimmtudaginn, ekkert smá gaman. Mikið drukkið, dansað og talað. Ég var alveg búin á því í gær, þar sem þessir háu hælar sem ég á eru ca.20 cm og ég var náttúrulega líka þunn svo þurfti ég að fara á playdate. púff tók á en allt saman bara skemmtilegt. Fór líka á hjólinu mínu út um allt í gær sem er fast í 3ja gír, alveg svakalega þungt. Það var grenjandi rigning en þar sem ég hafði heyrt daginn áður að það yrði verkfall í metróinu þá ákvað ég að hjóla lengst uppá Cadorna sem tók um 30 mín og þessi svakalega góði regngalli sem við keyptum í Flying A í Köben var sko engan veginn að standa sig í rigningunni því að ég var hundblaut þegar ég mætti loksins í skólann alltof seint, svoleiðis öskureið útí þessa brjáluðu Ítali sem kunna ekki að keyra né þá heldur taka tillit til hjólreiðafólks!!! Enda eru búin að vera nokkur dauðahjólreiðaslys síðustu vikurnar hérna, fólk heldur hjólar ekki með hjálma hér. Það er líka með mestu fornaldarbarnastóla sem ég hef séð og það bindur ekki börnin í þá og né þá heldur setur á þau hjálma! Þau missa andlitið og hljægja þegar þau sjá Heklu aftan á hjá mér.
En nóg um hjólaböggssögur. Best að fara og standa við nammidagsloforð.
Þorgerður hvar ertu, er að reyna að ná í þig?
Til hamingju með ritgerðina!!!!

Ítalskt hveiti!!

Er ekki alveg að gera sig í kökubakstri!! Þetta helvíti er bara gert fyrir pasta og þurrar kökur, alltof sterkt helvíti. Nú er ég að baka brauð fyrir veisluna á þriðjudaginn og það er ekki næstum því eins gott og heima á Íslandi. Ég get svarið það ég held að við séum alveg hreint svakalega heppin með hráefni heima. Það eru bara til svo hormónainspíttar paprikur hérna að það hálfa og chillipiparinn er eins og paprika og ekkert bragð af honum. Ég er alveg að fá nóg af þessu! Hvernig á maður að gera almennilegan mat þegar maður hefur úr svona rugli að velja. Kjúklingurinn er eins og hænur, það er bara til ein tegund af hveiti, það er ekki hægt að fá lyftiduft(nema hjá kínverjunum), það er bara til ein tegund af frosnum berjum og það eru blönduð skógarber, það er svo takmarkað úvalið af öllu hérna að það hálfa væri nóg!!!
Það var t.d. bara til ein tegund af litlum rækjum í frostinu og þær voru með görninni í!
GRRR....
Þetta blessast náttúrulega allt saman þar sem liðið veit ekki betur og þeim á eftir að finnast þetta vera hið mesta góðgæti, ég er viss um það!!
Annars rignir hjá okkur í dag og ég verð að segja að ég er guðs lifandi fegin þar sem þá kólnar aðeins, það er búið að vera 28 stiga hiti hérna inni í íbúðinni og 35+ úti í ansi marga daga, maður var alveg að kafna.
Jæja best að fara að tékka á paté-inu.

Gelgjulegasti póstur hingað til!

Ég ætla sko ekkert að tékka á íslenskunni minni í þetta skiptið þar sem ég fór á tónleika með Chris Cornell í gærkvöldi og vávává, ég get svarið það að þessi maður er ROSALEGUR! æðislegur, geggjaður,massívur!!! Maður var alveg hreint heltekinn þarna! Hann er með svo massíva rödd þessi maður að það hálfa og ekki spillir útlitið fyrir!!! Þetta var haldið í frekar litlum sal þannig að maður var bara frekar framarlega og ég gat séð hann mjög vel þar sem Ítalirnir eru frekar lágvaxnir, sem betur fer! Hann tók beisiklí öll lögin sem maður dýrkar með honum og meira til. Núna ætlum við svo sannarlega að kaupa nýju sólóplötuna hans.Úff þetta var svo gaman!!
úff svooo heeeittt, er að kafna, aaa....
Jæja best að fara í kæfugerð. Annars var ég að prófa að setja risarækjur í staðinn fyrir kjúkling í unaðslega kjúklingasalatið og það var bara helvíti gott,það verður í veislunni á þriðjudaginn!!!

Ja hérna hér...

Það er orðið verulega heitt núna! Hitinn er stiginn upp í 35 stig og á nóttunni er líka heitt, þannig að sænginni hefur verið pakkað niður og lakið tekið upp. Einnig urðum við að fara út og kaupa fleiri viftur.
Fór í gær á hjólinu mínu(sem er b.t.w. fast í 3ja gír)að útrétta ýmislegt og je minn eini hvað ég svitnaði, held ég haldi mig við loftkælinguna í bílnum héðan af.
Ég er að fara á eftir í mat til Natöshu vinkonu(sú rússneska)og ætlar hún að bjóða mér uppá Borsch súpuna frægu, mmmm get ekki beðið, mig hefur langað til að smakka hana í ansi langan tíma en aldrei einhvern veginn fengið mig til að búa hana til. Nú fæ ég að smakka og þarf ekki að elda hana sjálf, frábært!
Annars er skólinn orðinn svo strembinn að það hálfa. Ég ætla að hella mér útí lærdóminn á fimmtudaginn eftir veislurnar sem ég er með á þri. og mið. og bara læra og læra og læra!

Skórnir bráðnuðu!

hahahaha já það er svo heitt hérna! Ég fór í skólann í dag í háhæluðu skónum mínum og þegar við stóðum úti í pásunni þá sökk ég alltaf í malbikið þar sem það var orðið mjúkt af hita. Eftir tímann fórum við svo og fengum okkur að borða og við fengum bara sæti í sólinni þannig að það var ansi heitt malbikið þar líka. Nema hvað, þegar ég er á leiðinni heim,sem betur fer bara hérna úti á horni, fór ég að finna fyrir því að annar skórinn var allt í einu ekki svo þröngur eins og hinn þannig að ég leit niður á fæturna mína og viti menn þeir einhvern veginn bráðnuðu þannig að leðrið losnaði frá botninum og tærnar voru farnar að stingast út, það var beisiklí eins og ég væri með MJÖG vanskapaðan fót!!! Ég get svarið það ég var í hláturskasti það sem eftir var leiðarinnar heim!
Annars fórum við í sólbað í garðinum á laugardaginn og við rákumst þar á par sem var að ríða, í miðjum garðinum einstaklega smekklegt, þurfti að labba einstaklega casual framhjá og halda nett fyrir augun á Heklu, smekklegt!
Í gær fórum við svo á ströndina og eyddum þar deginum með Gunna, Höllu Báru og co. og Guðrúnu ömmu Sverris. Þvílíkt ljúft maður! Hekla elskar ströndina eins og öll börn að sjálfsögðu og við erum álíka vitlaus í þetta allt saman. Sjórinn var alveg næglega ,,heitur" til að synda og busla. En núna erum við hjónin alveg svakalega brennd og mökum á hvort annað after sun í gríð og erg!
Jæja best að vinda sér í kæfugerð!

Brjálað að gera

Já það er einhvern veginn búið að vera soldið mikið að gera hjá mér síðustu 2 daga, vaknaði klukkan 7.30 og gat fyrst hvílt mig þegar ég fór í ból um 23.00 leytið. Ég er að reyna að byrja með smá bisness en það koma upplýsingar um það seinna. Þannig að það er búið að vera skóli á morgnana og svo vinna á daginn ásamt því að reyna að minnka þvottafjallið mikla(allt að koma, allavegana er óhreinatauskarfan hætt að líta út fyrir að vera að æla óhreinum þvotti) og strauja skyrtur. Ég skil þetta ekki, einu sinni áttum við engar skyrtur en núna þarf ég að vera alltaf að strauja, æjá nú man ég, ég straujaði ekki áður fyrr það var Sverrir sem gerði það, híhíhí hvað maður getur verið fljótur að gleyma.
Skólinn gengur bara mjög vel, og þetta er alltaf jafn skemmtilegt. Hvað gæti svo sem verið að því að læra ítölsku allan daginn? tja ekki neitt, þetta er yndislegt tungumál.
Veðrið hefur ekki verið beint að leika við okkur hér síðustu daga þannig að brúnkan er að fara og jakkinn kominn á herðarnar á ný, vonandi fer þetta að lagast.
Ég fór með Heklu í leikskólann á mánudag og þriðjudag og þurfti því að taka lestina en mér datt þó snilldarráð í hug, hlaupahjólið! Þar sem ég þarf að labba smá spöl frá lestinni í leikskólann hennar Heklu fór ég bara með hlaupahjólið og hún var framan á og ég aftan á og svo bara áfram renn... Ítölunum fannst þetta vægast sagt einkennilegt að sjá risastóra(í þeirra augum)hvíthærða, næstum miðaldra konu(í mínum augum) á hlaupahjóli og augun raunverulega stóðu á stilkum. En mér fannst það bara fyndið og hélt áfram á minni leið.
Við höfum því miður ekkert hitt á ömmu Sverris en vonandi rætist úr því á næstu dögum.
Er að fara að gera veislu þ.29.maí fyrir Jole, 50-60 manns. Þá verður sko gaman hjá minni! Get ekki beðið eftir að koma mér inní það verkefni. Aldrei að vita nema ég geti prangað inná þau einhverjum nýjum réttum. Þeir eru reyndar soldið íhaldssamir í matargerð þessir Ítalir en þessi eru soldið nýjungagjörn þannig að það er aldrei að vita.

Ljúft maður!

Ég er byrjuð í ítölskunáminu aftur, ekkert smá gaman. Nú erum við að læra miklu meira og ég get ekki beðið eftir að mæta í tíma á morgnana!
Guðrún amma er mætt á svæðið, mikil hetja sú kona. Sem sagt amma Sverris, skellti sér upp í vél til að heimsækja, son, konu, barnabörn og buru...
Fórum í mat til Gunna og Höllu Báru á laugardaginn mjög fínt hjá þeim og Hekl og Lea skemmtu sér vel saman. Annars er maður bara búinn að vera að einbeita sér að því að taka þvott þar sem fjallið var orðið helvíti myndarlegt eins og ég hef minnst á nokkrum sinnum áður hér á þessu bloggi mínu.
Vinkonur mínar í bekknum voru mjög ánægðar að sjá mig aftur, og það er eins og það hafi eitthvað lækkað í rosta hinnar brasilísku eða ,,leiðréttarans" þar sem við vorum saman með sömu einkunn og hæstar í bekknum. Hún er allavegana hætt að leiðrétta mig og er orðin bara helvíti næs við mig.
Sverrir greyið liggur í ælupest í dag, ég vona bara að ég sleppi, aldrei að vita nema maður hafi heppnina með sér í þessum málum, ha!
Eldaði mér fisk í kvöld eftir að hafa dreymt fisk í nokkra daga og orðin alveg viðþolslaus af fiskskorti. Uppskriftin fylgir. Þetta var algjört lostæti! Annars er hægt að nota sósuna með öllum fjandanum, kjöti, grænmeti og fleiru..
ohh sorry eitthvað vesen á Blogger, set þetta inn á morgun. Hekla þarf að komast í ból og ekki er ælukallinn að fara að lesa fyrir einkadótturina. ójá ég gleymdi að segja ykkur frá nýjasta æðinu hjá henni: MAAAAMMMA ÉG VIL FÁ SYSTKIN!!! svo í örlítið minni frekjutón, viltu setja systkin handa mér í magann þinn, mamma mín?
híhíhí þessi elska...

Lúxus eða fátækt!

Einn skrítnasti dagur sem ég hef lifað var í gær.
Ég fór í heimsókn til brasilísku stelpunnar sem var með mér í bekk. Hún býr í bæ sem heitir Carimate, klukkutíma akstur frá Mílanó. Hún býr í vernduðu hverfi þar sem maður þarf leyfi til að komast inní og er ekki einu sinni merkt inni á GPS systemið. Húsið er með alveg risastórum garði, ótrúlega fallegum, sundlaug(með sundlaugarbar)og tennisvelli. Lamborghini í bílskúrnum, garðyrkjumaður, þjónustustúlka. Húsið frekar stórt, hrikalega ljótt(mj0g ítalskt), með 6 baðherbergjum, jafnmörgum svefnherbergjum, 30 fm eldhús og fleira. Hvað er að þessu? Jú, hún er hrikalega einmana! Þetta var allt svo innantómt þarna, ég veit ekki hvað ég á að hugsa núna, þá er ég að meina að ég veit ekki hvort ég myndi vilja allt þetta, efast reyndar um það. Ég hélt alltaf að ég vildi hafa fullt af peningum, vera rík, en núna eru að renna á mig tvær grímur. Við eyddum þarna deginum í lúxus, syndandi í lauginni, lágum í sólbaði og lásum Elle og Vogue, kannski örlítið of mikið estrógen fyrir mig en ég ákvað að bara njóta. Hekla kom með mér og hún var alveg í skýjunum að fá að fara í laugina og leika sér í fótbolta á tennisvellinum. Rússneska stelpan var með okkur líka, þegar dagurinn var á enda keyrði ég hana heim til sín. Hún býr í frekar lélegu hverfi hér í Mílanó, í jafnstórri íbúð og við, nema hvað að þær eru 3 konur ásamt einni lítilli stelpu 2ja ára. Ég fór sem sagt úr gríðalegu ríkidæmi í mikla fátækt. Ég er að læra svo mikið á þessari Ítalíudvöl minni, maður þarf að opna huga sinn og læra að hvað sem dagurinn í dag ber manni á maður að meta til hins ýtrasta! Núna elska ég íbúðina mína meira en nokkru sinni og gvuð minn eini hvað ég er ástfangin af manninum mínum! Þær eru nefnilega báðar í sambandi við menn sem að mínu mati eru ekki að virða þær að verðleikum og koma fram við þær eins og hálfvitar. Það finnst mér ofboðslega erfitt að horfa uppá, ekki það að þeir séu að beita þær ofbeldi ekkert svoleiðis, heldur einhvern veginn binda þeir þær með peningum. Þannig að þegar þeir koma illa fram þá eru þær orðnar svo skuldbundar að þeim finnast þær lítið geta sagt eða gert á móti. Þetta gerir það að verkum að þær verða svo undirgefnar að það hálfa. Þessar stelpur eru að eðlisfari ekki undirgefnar, þannig að þær eru að breyta sjálfum sér til að þóknast einhverjum manni.
Mig grunar að í fyrstu hafi þessari brasilísku fundist ég vera ógnandi og verið með þessa stæla við mig,því að núna er hún mjög indæl og skemmtileg.
Mér líður svo skringilega eftir þennan dag,aðra stundina er ég hrikalega þung og vill helst bara fara að grenja og svo hina stundina er ég svo ánægð með allt sem ég hef.
Annars var ég og brasilíska hæstar í bekknum með sömu einkunn. Massa þessa ítölsku!!!

Að öðru:
Ég horfði á East-Eurovision í gær, Eiríkur mælir rétt eftir þessa keppni, hvaða möguleika eigum við Gaggó Vest gagnvart þessum skrilljónaþjóðum sem fjölga sér eins og maurar. Ég held að við hér í Vest verðum að fara að fjölga okkur meir. Tja eða bara fara að fordæmi Ítalanna og bara gefa þetta upp á bátinn og hætta! Maður nennir ekki að horfa á þetta væl í East lengur, þessi tónlist sem þeir flytja er bara grín fyrir okkur Vest, ætli það sé ekki vice versa.

Nú er baðherbergið loksins búið, þetta er búið að vera hið mesta maus fyrir drenginn, alltaf þegar hann var að verða búinn að mála þá flettist málningin upp og hann þurfti að fara að spasla og pússa allt uppá nýtt, magnað. Hann þurfti líka að hafa stóru viftuna okkar inni hjá sér allan tímann þar sem það er svo heitt núna þessa dagana, 32°C og rakinn er svo mikill að maður á erfitt með að anda, loftið er svo þykkt. Þannig að það var allt að fara til fjandans hjá honum áður en hann setti viftuna inn. En nú er þetta búið og ég er búin að vera að þrífa í allan morgun og get ekki beðið eftir að geta sett þvottavélina í gang. Manni finnst maður ansi fátækur af fötum, skiljanlega þar sem við höfum ekki getað þvegið í 2 vikur. En þetta reddast allt saman.

Við erum þessa dagana með algjört æði fyrir snarli í kvöldmatinn. Þá er það samansett af parmesanosti, skornum í bita, prociutto, skinku, ólífum, venjulegum osti í sneiðum, pecorino sardo(í bitum), gorgonzola og baguette brauði. Alveg hrikalega gott. Þannig að maður nartar endalaust, mmm... Ég gerði svo í gær Miðjarðarhafssósuna og var með crudité með(hrátt grænmeti) og svo var ég líka með beikonið sem var í brúðkaupinu mínu, með mjúkum geitaosti og peru.
Algjört sælgæti!

Þynnka dauðans!

Já ég fór á mánudaginn að hitta stelpurnar úr bekknum og þvílíkir alkóhólistar maður. Ég verð barasta alltaf drukkin með þeim, og gleymi algerlega hvað tímanum líður. Þannig að við vorum að drekka og spjalla heima hjá einni þeirra frá klukkan 16.00 til klukkan 3.00 um nóttina! og það var grátið og það var hlegið og talað endalaust, náttúrulega allt á ítölsku þar sem aðeins ein önnur en ég talar ensku. Þetta var svakalega gaman.
En þetta varð til þess að gærdagurinn fór fyrir bí, algerlega! Ég gat ekki hreyft mig, bara ælt og sofið. Og hver fær ,,mamma ársins" verðlaunin??!!!
En ég komst á fætur í dag og er bara hin hressasta. Fór í morgun með hnífana mína í brýningu og láta tryggingafélagið hafa upplýsingarnar vegna ,,árekstursins" sem ég lenti í um daginn, eða það var nú meira keyrt á bílinn minn, ekkert alvarlegt.
Það var strax kominn 28 stiga hiti klukkan 10.00. Þannig að það er allt að fara í slow motion núna þessa dagana.
Mikið rosalega sakna ég þess að fara ekki í skólann á hverjum morgni!
Annars er þetta allt að koma með baðherbergið, Sverrir er að verða búinn að mála það. Það er bara búið að vera soldið maus að finna rétt spasl og svo þegar hann fór að mála þá brotnaði upp úr veggnum. En þetta kemur allt saman og verður bara fínt, segjum það bara.
Stelpurnar vilja hittast líka á morgun, ég bara held ég hafi ekki orku í það. Það er nefnilega ýmislegt sem þarf að gera, ég bara get ekki fundið uppá neinni afsökun þar sem ég var búin að segja að ég kæmi með. :-/
Hekla er greinilega hætt að vera ónæm fyrir flugnabitum og er núna öll í bitum og klæjar svakalega í þau, greyið litla. Hún er núna svo ánægð í leikskólanum að þegar ég fór með hana í morgun var hún svo æst að fara inn og leika að hún gleymdi að segja bless við mömmu gömlu. Það er svo heitt hjá þeim að maður er beðinn um að láta þau ekki í of mikið af fötum, bara stutterma eða nærbol og stuttbuxur eða pils. Ég fór með hana t.d. í morgun í pils og sokkabuxur(tók bara sokkana með) en hún sagði mér að gera það ekki aftur þar sem hún fer úr þeim eftir 10 mínútur. Maður er bara soldið óvanur svona, maður er alltaf svo hræddur um að henni verði kalt en fattar ekki að það að vera heitt í of miklum fötum er alveg jafn hættulegt og óþægilegt.
Hún er orðin svo dugleg í ítölskunni, ég er svo stolt af henni.
Hún er eins og lítill api núna og hefur verið í soldinn tíma, hún klifrar í kojunni sinni og hangir þar og sveiflar sér allan liðlangann daginn, fer upp og niður stigann og býr til alls konar leiki úr þessu, setur upp borð og stóla undir sem hún getur stokkið niður á eða klifrað upp af. Það er mjög gaman að fylgjast með henni.
Hvernig þrífur maður lyklaborð?

Megrunarlaus dagur í dag!!!!!!!

Vúhúúúú jesssss....OSTUR.. HERE I COME!!!!

Hundalíf!

jæja þá er þetta allt að koma með baðherbergið, nú eru komnar 5 mismunandi týpur af flísum þarna inn allt alveg svakalega flott, hipp og kúl og svo settu þeir nýjan sturtuhaus líka og hann er nú það flottasta sem ég hef séð, ég held barasta að svona hundar eins og við gætum bara sætt okkur við þetta, ha. Hann kostaði heilar 2 evrur og er svona 2 cm í radíus(eða hvað það er sem maður segir með hringi) og það lekur svona líka skemmtilega kraftlaust úr honum, en þar sem ég hef komist að niðurstöðu um það að leigusalarnir okkar haldi að við séum hundar sem þurfi ekki á því að halda að ná sjampói úr hári né þá heldur hárnæringu þá kom þetta mér ekki á óvart! Það er betri sturtuhaus á skrifstofu leigusalans, ef ske skyldi að hann þyrfti á sturtu að halda í vinnunni!
Ég fæ ekkert í magann af reiði og vonsvikni þegar ég hugsa um þessa hluti, neinei bara alltaf með bros á vör hún Sigurrós Pálsdóttir, svo glöð og ánægð með framgöngu mála!
Ég geng glöð til verks í dag að þrífa skítinn eftir þetta ævintýr, hlakka svo til að ég bara get ekki beðið! Enda sit ég hér enn uppi í rúmi klukkan 11:11 á laugardagsmorgni.
Við ákváðum að mála baðherbergið og fórum í verslun hér nálægt og keyptum spasl og fleira og svo var hann að spasla allt gærkvöldið og viti menn þegar hann var búinn þá var barasta hægt að fletta öllu af. þvílík vinna og spasl farið í þessa blessuðu kalkveggi hérna! Þannig að hann er núna farinn aftur í búðina til að finna grófara spasl og sjá hvort það festist við þessa undraveggi! Ég er komin með nóg af því að búa eins og hundur í búri í þessari íbúðarholu! Mig dreymdi í nótt að ég væri að skoða íbúð sem var um 500 fermetrar, klikkuð, tóm og svo þegar ég spurði um verðið á henni þá vaknaði ég, undirmeðvitundin eitthvað að láta í sér heyra greinilega!
Annars fór ég með bekknum mínum í appiritivo á fimmtudaginn og þar drukkum við ógeðslega mikið rauðvín og bjór og urðum vel léttar af því, mjög skemmtilegt. Ég komst að því að sú brasilíska er ennþá leiðinlegri með víni og hún er með manni sem á að vera einn sá ríkasti í heimi, einmitt trúi því nett, right! Sú rússneska er hin mesta snilld, hún er svo fyndin og skemmtileg og loksins hef ég hitt einhvern annan sem er með jafnmiklar klaufasögur og ég en hennar vandamál er að hún getur ekki sagt nei og því er þessi brasilíska alltaf að draga hana hingað og þangað þó að hún vilji ekki fara með henni. En svo kom mér mest á óvart að þessi japanska var verulega skemmtileg líka! Hún var svo miklu opnari en ég hélt og svo mikill húmoristi. En svo var síðasti dagurinn í skólanum í gær, ég er mjög leið yfir því en svona er þetta nú bara. Kennarinn minn kom til mín eftir tíma og sagði mér að henni fyndist mjög leiðinlegt að ég kæmi ekki aftur þar sem ég væri orðin svo góð í ítölskunni og talaði svo skýrt og að hún vildi að ég lærði meira til að tala fullkomlega. Þetta fannst mér mjög gaman að heyra og gerði mig ennþá leiðari að geta ekki tekið eitt námskeið til viðbótar. En svona er þetta nú bara.
Jæja Sverrir var að koma og er svakalega ánægður með dagsverkið mitt eða þannig, þannig að best að koma sér að verki og byrja að þrífa, jeessssss get ekki beðið, nei ég þarf ekkert að bíða, bara byrja!
Guð veri með ykkur

Þetta verður bara betra og betra!

Meira um prump: ekki nóg með það að Sverrir hafi prumpað einni verstu fýlu,ever heldur vorum við með viftuna í gangi þannig að maður hafði engan tíma til þess að byrja að anda með munninum eftir að maður heyrði prumphljóðið, heldur kom prump og hálfri sekúndu síðar,...BÚMM!!! PRUMPSPRENGJA beint upp í nefið á manni. Þetta var svakalegt, en maður fékk líka gott hláturskast af þessu!

Nóg um prump í bili.

Að mikilvægari málum.
Nú komu pípulagningarmenn í morgun til að gera við vatnið hjá okkur og við erum svo heppin að það er allt í rúst inni á baðherbergi og klósettið var einnig tekið af okkur! þannig að ekkert baðherbergi yfir höfuð og lítla íbúðin okkar er full af ógeði og ryki!
Við höfum enn ekki fundið möntvask hér nálægt, því miður, þannig að enn þarf fjallið að bíða.
Ekki nóg með þetta heldur var okkur tjáð að það verði ekki skipt um neitt inni á baðinu, sem sagt við þurfum að vera áfram með þetta viðbjóðslega baðkar, sem er löngu orðið ónýtt, ég efast um að ég geti þrifið af blettina eftir píparana. Þar að auki þurftu pípararnir að brjóta upp fullt af flísum og í staðinn fyrir að nýta þetta tækifæri og skipta um flísar þá verður sett önnur týpa af flísum í sárin, mjög smekklegt! ojojoj þvílík fýla sem leggur um íbúðina núna maður! Ohhh í dag er ég pirruð, mig langar ekki að vera í þessari holu meir!!!
Sverrir fór þó sem betur fer í heimsókn til Gunna og Höllu Báru að horfa á boltann með honum og náði að taka 2 vélar þannig að allavegana þá eigum við hrein handklæði núna. Við getum nefnilega farið í sturtu á skrifstofu Paolo hér í húsinu við hliðina. En hann er náttúrulega að vinna á daginn, þannig að það er mjög þægilegt að fara þangað yfir til að taka skituna, jesss má ég?!
En best að fara og læra undir prófið sem er á morgun;)
ohh það er líka vibba ryk útum allt hérna, jess massapáskaþrif um helgina, hlakka geðveikt til!
Kveðja
Ein massareið og pirruð!

,,Prump eða vindlosun um endaþarm"

Sverrir kallar úr eldhúsinu : Sigurrós, ertu í aðhaldi?
ég: hmm... nei ekki í dag, allavegana

Sverrir kemur þá fram með íslenskan lakkrís og nutella.... mmmmm þvílík snilld!!!
Er að búa til eftirrétt í hausnum úr þessum unaði!

En þá um kvöldið tók við einstaklega skemmtileg keppni milli okkar hjónanna, jú maður verður að skemmta sér við eitthvað. Keppnin ssnerist um hvor væri með verri prumpufýlu, því prumpukeppnin fór út í öfgar.
Mæli eindregið með þessu.

Lífið að komast í .....tja í hvað?

Þá eru allir gestir farnir og við sitjum ein eftir í kotinu og horfum eimdarlega á hvort annað með spurn í augum ,,hvað eigum við að gera af okkur núna?"
Þannig að ég sendi drenginn út í garð að leika við Heklu og svo rak ég hann heim til að elda handa mér egg og beikon. Úps átti ég ekki að vera í megrun annars?? Jú og ég keypti mér hinn mesta viðbjóð í náttúru verslun hér í borg og kostaði mikið! All bran eitthvað en það vantaði allar kaloríur í það og jú allt bragð fyrir utan viðbjóðsbragðið. Hvílík refsing að vilja mat með bragði! Ég skil ekki hvers vegna mér finnst allt í þessum náttúrubúðum vera svona hrikalega girnilegt! Ég vil kaupa allt þarna inni en svo þegar ég smakka það er það ógeð á bragðið, fúlt!
Við ætluðum að fara á ströndina í dag þar sem það er frídagur í dag og á morgun en þá var spáð rigningu í fyrsta skipti í 3 vikur, frábært! Þannig að við förum þá bara í garðinn hér við hliðinná og förum í sólbað, þar sem það kom víst sól, úps langar ekkert að slengja hinum langa og stóra ..... hans Sverris í andlitið á þessum veðurfræðingum. Ég er voðalega crude eitthvað núna, held að ég sé búin að eyða of miklum tíma með manninum mínum, og Írum sem tala um lítið annað en arse og shæt og fleira í þessum dúr. Ég hef bara smitast af þeim, þetta leynist ekki inní mér ónei. Sigurrós crude hefur legið sofandi í langan tíma en hin brjóstgóða Margaret vakti eitthvað lítið dýr upp af löngum svefni, en ég býst við að hún sofni á ný eftir nokkra daga.
Enn ekkert vatn á heimilinu, shit þið ættuð að sjá þvottafjallið sem hefur myndast í óhreinatauinu, ekki gaman!
Já það er gaman að þessu ha,,hmm...

Það er allt að verða vitlaust

Þessa vikuna eru hjá okkur í heimsókn þau Margaret og Vivian kærasti hennar, jú ég hugsaði þetta líka ,er þetta ekki kvenmansnafn' og vissi því ekki á hverju ég átti von þegar ég fór að sækja þau á flugvöllinn, hvort hún hefði líka snúist, en út kom hinn írskasti maður sem ég hef séð lengi. Það er spurning hvort börnin þeirra verði rauðhærð með freknur. Fyrir þá sem ekki vita þá er Margaret vinkona mín sem ég kynntist þegar ég var í háskóla í Edinborg. Hún er írsk, rauðhærð(með litað ljóst þessa dagana)og freknur, yndisleg stelpa og kærasti hennar er mjög rauðhærður mjög hvítur og með freknur. Ég er að segja ykkur frá útliti þeirra þar sem ég vildi segja ykkur frá því að við skelltum okkur á ströndina í fyrradag(frídagur hér á Ítalíu), við vorum öll að maka á okkur sólarvörn nr.8, ekki mjög gáfulegt því að eftir daginn vorum við(mest þau þó)eins og fjórir gangandi humrar! En þetta var þó mjög skemmtilegur dagur.
Daginn áður höfðum við verið í bænum með þeim að chilla og túristast og þykjast vera gædar og svona, nema hvað að þá er hringt í Sverri, Sverrir verður einstaklega skrítinn í framan og ég fæ nettan panikhnút í magan. Þá kemur í ljós að í símanum var Paolo(leigusalinn okkar)og sagði Sverri að það væri rigning í geymslunni fyrir neðan baðherbergið okkar, skemmtilegt það. Við brunum heim, en þá kemur í ljós sem betur fer að það var ekki allt á floti í íbúðinni heldur hafði farið pípa undir baðkarinu og olli hún þessari rigningu. Þarna var kominn múrari og hann sagði okkur einnig að hann hafi þurft að skrúfa fyrir allt vatn og að hann væri á leiðinni í frí og kæmist ekki aftur að laga þetta fyrr en eftir viku! Niðurstaðan: við án vatns í viku! Sem betur fer voru Margaret og Viv að fara hvort eð var á hótel og myndu vera þar restina af vikunni en þetta er samt helvíti súrt. Reynið að taka eftir því hvað þið notið mikið af vatni á einni viku! Ég get ekki vaskað upp, þvegið þvott,sturtað né baðað né heldur burstað tennur(normally), það eina sem virkað, guði sé lof, er klósettið!
Húsvörðurinn kom því reyndar í gegn að við fáum að nota sturtuna á skrifstofu leigusalans, mjög þægilegt.
En ég ætla að líta á björtu hliðarnar á þessu máli og það er að þá kannski loksins taka þau burt þetta viðbjóðslega baðkar og setja eitthvað nýtt í staðinn.
Annars erum við búin að vera að túristast ansi mikið síðustu daga og skemmta okkur frábærlega.
Ég var að heyra veðurspánna um næstu mánuði og það á víst að vera 40°C hiti í júní og allar ár eru að þorna upp þannig að rafmagn á eftir að vera erfitt að fá. Hlakka mikið til.
Gróðurhúsaáhrifin eru að kikka inn núna, ekki eftir 50 ár!

Aðgát skal höfð í nærveru sálar

Hljómaði það ekki einhvern veginn svona annars?

Byrjum þó á byrjuninni og ég kem að fyrirsögninni á eftir.

Ég var mjög önnum kafin þessa helgi og fannst mér það sko ekki leiðinlegt!
Á föstudaginn fórum við í appiritivo með Íslendingunum hér og fórum á skemmtilegan stað nálægt Naviglio. Við sátum að sumbli til klukkan eitt og Hekla eins og lítið ljós sofnaði bara í sófanum sem við sátum í. Það er eins gott að maður geri þetta ekki oft, ætli fólki fyndist það ekki kannski aðeins of mikið. En eins og staðan er í dag hjá okkur þá er þetta svona og verður þar til við komum heim og getum auðveldlega fengið pössun, so get over it!
En við skemmtum okkur ekkert smá vel.
Laugardagurinn byrjaði snemma hjá mér þar sem ég var búin að samþykkja að búa til sushi handa Beatrice, dóttur Jole og Piero. Ég fór snemma að ná í fiskinn með Jole og svo var byrjað að þvo og sjóða hrísgrjón, rúlla, búa til salöt og svo framvegis. Þetta hjálpaði Sverrir mér við að gera, þannig að við vorum þarna litla fjölskyldan hjá Jole og Piero allan liðlangan daginn, eða til klukkan 17:30. Þegar við vorum búin að gera gómsætt sushi fórum við beint heim að taka okkur til fyrir kvöldið, þar sem við vorum að fara út að borða með hóp af Íslendingum sem voru hér fyrir hina árlegu,risastóru húsgagnasýningu. Við náðum að fara líka með Heklu í millitíðinni til Báru og Telmu sem pössuðu hana fyrir okkur þá um kvöldið. Við fórum á stað sem heitir El Brellin, alveg hreint ágætisstaður. Fín þjónusta, maturinn góður, hefðbundinn en góður og staðurinn einstaklega huggulegur. Það voru allir mjög ánægðir með kvöldið og ég valdi greinilega mjög vel fyrir þennan hóp. Algjört success.... segðuaaaahh...aahh...
Á sunnudeginum fórum við svo á þessa húsgagnasýningu og vorum að labba allan daginn. þannig að þegar við vöknuðum í morgun var lítil orka í kroppnum, vægast sagt. En ég píndi mig á fætur og í skólann.
Þá kem ég að fyrirsögninni....
Í skólanum í morgun gekk allt eins og venjulega, nema hvað rétt í endann á tímanum vorum við að lesa grein í dagblaðinu í dag, ekkert athugavert við það svo sem nema hvað að kennarinn okkar var einstaklega pirruð á Japönunum og Víetnömsku stúlkunni því að þau eru ekki eins góð og við þrjár(en að sjálfsögðu vegna þess að þau þurfa að leggja helmingi harðar að sér en við hin!) Nema hvað að annar Japaninn er svo sem alveg jafn góð og við hún er bara mjög feimin og panikar nett þegar hún á að lesa eða svara. Allavegana.... kennarinn fór eitthvað að pirra sig út í hana út af því að hún gat ekki svarað einni spurningu og var svolítið lengi að því, nema hvað að stelpan fer alveg í mínus og byrjar að gráta, nett mikið samt. Við förum alveg í kerfi og spyrjum hvers vegna hún sé að gráta, þá var það vegna þess að henni fannst hún ekki skilja greinina og að kennarinn væri að snappa á hana útaf því. Ég var henni fullkomlega sammála að kennarinn hefði ekki átt að bregðast svona við. Nema hvað að þá tekur kennarinn nett ennþá meira kast og fer að segja að þau(Japanirnir og Víetnaminn)hafi valið sér að vera á svona háu stigi og að þau verði þá bara að bíta í það súra að þurfa að vinna meira og að þau séu verri heldur en við og allt þar fram eftir götunum. Þetta fannst mér einstaklega mikill óþarfi hjá kennaranum og mjög illa gert þar sem stelpan hágrét við hliðiná mér. Svo var kennarinn alltaf að tönnlast á því að hún þurfi ekkert að fara að grenja vegna þess að hún skilji ekki einhverja grein í blaðinu, beisiklí að segja henni að hún sé algjör aumingi sem getur ekki neitt! Ohhh ég varð svo reið að ég var orðin rauð í framan og eyrun voru að brenna af mér, ég var að reyna að standa með henni og verja hana, en kennarinn sá ekki af sér þrátt fyrir það.
ohhh ég er eiginlega ennþá reið útí hana!

Kunna dagar að fljúga?

Já dagarnir eru verulega farnir að fljúga framhjá manni. Ég virðist einhvern veginn vera svo upptekin á hverjum degi að maður bara hefur ekki krafta í að bæði læra og blogga á kvöldin. En nú fann ég nokkrar mínutur aflögu og ákvað að létta aðeins af mér svo að greyið eiginmaður minn þurfi ekki að fá munnræpuna á eftir þegar hann kemur heim.
Ég fór í dag rétt um eitt leytið að reyna að klára að útrétta nokkra hluti. Þetta þýddi að ég þurfti að fara með metróinu niður í bæ og labba heillanga leið að fyrsta staðnum og viti menn,verslunin tekur sér siestu(ekkert svo pirruð)því næst labbaði ég á næsta stað sem var ekki styttra, lengra ef eitthvað er og jú viti menn stofnunin tekur sér siestu líka! Ég var orðin svo rosalega pirruð á þessum tímapunkti og ástæðurnar, jú Siesta er FÁRÁNLEGUR siður! Hann er ofurgamall og passar engan veginn inní það nútímasamfélag sem Milano stærir sig af því að hafa! Ég var líka að byrja á túr, var svöng og allt of mikið klædd fyrir þennan 25°C hita og sól sem er í gangi þetta vorið!
Þannig að ég náði ekki að klára neitt og var búin að eyða allt of löngum tíma í þetta!
Þá var bara kominn tími á að sækja Heklu úr leikskólanum. Ég var eitthvað voðalega vinsæl á leikvellinum í dag, hjá mömmunum. Ég settist á bekk og strax kom ein mamma og við spjölluðum aðeins, eftir nokkrar mínútur kom önnur og við spjölluðum aðeins þá kom að hin þriðja, með gullband um sig miðja, þar rauður loginn brann.....
Þannig að ég þurfti svo sannarlega að hafa mig alla við að tala og skilja á ítölsku, mamma mía það tók vel á að hlusta á hraðmæltar ítalskar mömmur, en allt fór vel og ég bara talaði og talaði og malaði og malaði.....
Mjög skemmtilegt. Ég get svarið það, það er mjög langt síðan ég hef séð Heklu svona ánægða eins og hún er þessa dagana. Hún er greinilega farin að tala og skilja ítölskuna mun betur því að hana hlakkar svo til að fara í leikskólann og um daginn þá kom ég of snemma að sækja hana og hún vildi ekki koma með mér heim fyrr en hún var búin með rútínuna sína, þessi elska.
Nú er húsgagna-og ljósa sýningin stóra byrjuð og borgin er troðfull af túristum, eða öllu heldur stórum túristahópum. Lestarnar eru troðfullar á öllum tímum dagsins og fæstir þar tala ítölsku, það er nú reyndar svoldið skemmtilegt að heyra eitthvað annað tungumál en ítölskuna svona endrum og eins. Sverrir er líka að skoða eitthvað frá morgni til kvölds og mun líklegast koma heim dauður í fótunum á eftir. Hann fór vel undirbúinn í þetta skiptið með flugfreyjutösku og í hlaupaskóm!
Ég(við) er að fara með hóp af Íslendingum á laugardaginn út að borða, ég fann fyrir þau stað og pantaði fyrir þau borð og svo fer ég með þeim til að ,sýna þeim og kenna' eins og hún komst að orði. Ég er reyndar nett fegin að ég er boðin með þar sem það getur verið nokkur kúnst að fara hér út að borða, maður getur farið út af staðnum ansi niðurlútur ef maður hefur ekki pantað rétt, eða eins og við viljum hafa matinn okkar. En ég hef fundið bestu leiðina til þess að vera ánægður með matinn sem maður fær og hvernig maður á að panta og svo videre og líka þarf maður að vanda valið á veitingastöðunum hér. Hér í Mílanó eru ógrynnin öll af veitingahúsum og er aðeins hluti sem er eitthvað varið í(eins og alltaf að sjálfsögðu)en í þessu tilfelli eru réttirnir svo svipaðir og staðirnir líka þannig að það er reglulega erfitt að vinsa úr þá góðu. En ég tel mig vera vel valda manneskju í starfið og því vona ég svo sannarlega að við förum öll út af veitingastaðnum á laugardaginn södd og sæl.
Nú þarf ég að fara út á lestarstöð að sækja Þórdísi systur Gumma, mágs míns, en hú ætlar að gista hjá okkur í nótt.
Lifið heil.
P.s. get ekki hætt að fá mér eitt rautt/hvítt, bara sorry no can do! Er hins vegar hætt í hveitinu og það er mjög gott mér líður mjög vel, svo létt á fæti;)

grillfílíngur á háu stigi

Sólin skín og hitinn er kominn í 25°C og maður er í svakalegum grillfíling en þar sem maður hefur heyrt að það sé bannað að grilla í Mílanó ætti maður ekkert að vera að því.
Við erum búin að liggja úti í garði í allan dag(fyrir utan heitasta tímann frá 12-15, alltof heitt)og Hekla gat leikið sér frjáls og við lásum, Sverrir lærði og ég las ítalska bók. Það var alveg pakkað af fólki og hér fyrir utan húsið hjá okkur er eins og það sé brúðkaup einhvers staðar þar sem það eru bílum lagt út um allt. Þetta er einn vinsælasti garður Mílanó greinilega. Ég er ekki frá því en að maður sé bara kominn með smá lit.
Ég er samt svoooo svöööng ég er að drepast, ég er búin að borða: Weetabix, salat með túnfisk,ólífum,furuhnetum og mozzarella light, 1 peru, 1 epli og fullt af vatni, er samt að drepast úr hungri og ég þoli það ekki, fer þessi magi ekki að minnka! Hvað tekur það magann langan tíma að minnka haldið þið???
Byrja að skokka á morgun en þvílíkur munur á maganum á mér bara eftir að sleppa brauði og pasta í 3 daga, það er bara eins og ég hafi hætt á túr ( var samt ekki á túr ;))
Spurning beint til Kötu, Kristínar og Ásu: megið þið borða spelt pasta eða hrökkbrauð???? Þessi kúr ykkar finnst mér nefnilega mjög spennandi, er byrjuð að reyna en ég held að ég geti ekki hætt að drekka vín né heldur hætt í ostunum en ég ætla samt að reyna að skipta yfir í kinda og geitaost sem er reyndar mjög góður og ætla að minnka kannski aðeins alkóhólið, sjáum hvernig gengur, kannski gengur nógu vel til að hætta því líka í nokkra mánuði, aldrei að vita.

Bloggþreyta/tímaleysi, sambland ???spurning

ohhh hvað þetta er búin að vera hrikalega ljúf vika.
Ása vinkona kom í heimsókn og var hjá okkur í viku, þetta var alveg hreint frábær tími, við átum,drukkum og nutum lystisemda lífsins í heila 7 daga, hreint unaðslegt! Við fórum upp að Gardavatni í 3 daga yfir páskana, þar fengum við lánað sumarhús Jole og Piero. Það var hreint ótrúlega nice, fórum í bíltúr upp með vatninu og fórum í siglingu að kastala eða frekar virki kannski þarna rétt hjá sem heitir Sirmione, mjög fallegur en kannski aðeins of mikið af túristum. Við fórum svo í bæ rétt hjá húsinu og keyptum bestu olíu í heimi, aðeins 5 lítra af henni, hehe, svo keyptum við líka vín og bjór sem er líka búið til þarna á svæðinu. Get ekki beðið eftir að fara að drekka það.
En svo fór Ása heim til sín til London og eins og Hekla komst svo skemmtilega að orði morguninn eftir ,,Æi er Ása faaarin, ohh hún var svo skemmtileg og það var svo gaman að hafa hana"
Hitinn hér hækkar með hverjum deginum og nú er maður bara búinn að ná í viftuna uppá háaloft, sængin er farin að pirra mann á nóttunni, moskítóflugufælan er í gangi, alltaf og maður er kominn í matarátak til að komast í bikiníið.
ÉG ER SVOOOO SVÖÖÖÖÖNG!!!
Já nú er það bara salat, ávextir og grænmeti!!! Ætla að reyna að hætta að borða hveiti, allavegana hvítt hveiti, mjólkurvörur held ég í lágmarki(sem þýðir að ég get ekki hætt að borða góða osta) en hins vegar ætla ég að hætta að borða venjulegan ost þar sem hann er frekar óþarfur en alltof fitandi. Ég ætla líka að draga Sverri með mér út að skokka. já svona verður þetta þangað til við komum heim, magnað stuð!
Það er verið að bögga mann þessa dagana með einhverju 10 ára útskriftarafmæli MR, ég vil ekkert vita af svona löguðu, er ekki nóg að verða þrítugur! Á líka að gera mann ennþá þuglyndari af þessu. En að öllu gamni slepptu þá væri ég alveg til í að fara og hitta alla aftur en því miður þá verðum við ennþá hér á Ítalíu.
jæja nóg um mig ég ætla að reyna að koma saman einhvers konar myndaseríu af síðustu viku og setja inná síðuna, nema hvað að Photoshop hefur gefið mig uppá bátinn þar sem ég keypti ekki eitthvað af þeim á hverju ári, þannig að ég þarf víst að koma mér eitthvert annað.

Gleðilega páska!!!

Bara láta vita að við verðum við Gardavatn í sumarbústað um páskana með Ásu vinkonu;-)
Ekki leiðinlegt það, ha.

Gleðilega páska allir saman!

Búhú átti svo bágt

Atvinnuviðtal

Já ég fór í atvinnuviðtal í morgun á einum af flottustu stöðunum hér í borg, þó svo að þeir séu ekki með Michelin stjörnu þá eru þeir með mjög góða umsögn í gædinum og eru fokdýrir! Hann hringdi í mig á laugardagsmorgunin og sagðist hafa séð umsóknina mína frá því í fyrra, hvort ég væri í vinnu núna og hvort ég hefði áhuga á að vinna hjá þeim. Ég fór svo í viðtalið í morgun og gekk það mjög vel fyrir utan þá staðreynd að ég get ekki unnið fyrir þá, þannig að það var ég sem neitaði draumavinnunni minni, ég get sagt ykkur það þetta var svoooo hrikalega depressing að það hálfa! Hvenær hefur manni verið boðin draumavinnan og maður þarf að hafna henni? Vinnutíminn hjá þeim er meira að segja verri en á Joia, þeir vinna frá 8.00 til 15.30/16.00 og svo frá 18.00 til 00.00/01.00. En hins vegar borga þeir miklu betur þarna eða heilar €1000 á mánuði eða 88.000 ísl.kr. Þetta er einstaklega heilbrigt ekki satt?! Hann reyndar bætti því við að þeir væru að fara að breyta eldhúsinu hjá sér og ef hann fyndi handa mér starf með rétta tímanum þá væri ég fyrsta manneskjan sem hann myndi hringja í. Gott að heyra, þá greinilega leist honum vel á mig.
Ég var svo súr eftir þetta að ég reyndi að fara í HogM til að lyfta mér upp en allt kom fyrir ekki, ég fór inní mátunarklefann með 10 flíkur en keypti ekki neina af þeim, á heldur ekki bót fyrir fokking boruna á mér. kannski eins gott að mér fannst ég vera alltof feit í þessu öllu saman. Gerir það vonandi að verkum að ég fer út að skokka á morgun.
En nóg af mér ég hef nefnilega miklar fréttir að færa og þær eru sko ánægjulegar!
Hekla er byrjuð að hjóla án hjálpardekkja!!!!!
Við fórum í gær í almenningsgarðinn okkar með hjól,hlaupahjól og bolta. Hekla var nú ekki á því að fara að læra að hjóla, fannst það heldur leiðinleg tilhugsun. En loks gátum við sannfært hana. Sverrir hljóp með henni fram og til baka vel sveittur(ég er með tognaðan úlnlið, gat ekki haldið í hana) svo loks kom þetta bara hjá henni og þá var sko ekki hægt að hætta bara, heldur héldum við áfram að æfa. Þetta var svakalega skemmtilegt!
Hekla er heima í dag þar sem hún var með í gær og fyrradag mjög mikinn gröft í augunum og okkur grunaði að hún væri með sýkingu ,svo þegar hún vaknaði í morgun þurfti Sverrir að þvo augun til að hún gæti opnað þau, skemmtilegt ha!
Fórum í mat til Jole og Piero í gær, mjög gaman og það var fiskiþema hjá henni og það var allt alveg svakalega gott á bragðið. Kræklingur í brauðraspi sett aftur í skeljarnar, fiskifrikadellur með osti inní, svakalega góðar ætla að fá uppskriftina af þeim, spaghetti alla vongole mmm.. slær alltaf í gegn og svo ofnbakaður fiskur, italiano sem þýðir með salti og olíu án nokkurs meðlætis, en það var svakalega gott þrátt fyrir það.
Þegar maður gengur um borgina núna liggur graslykt yfir allt, þ.e. nýslegið gras lykt ekki hitt grasið. mmm.. það er sko vor í lofti hér.

Íþróttameiðsl

Já ég er með smávægileg íþróttameiðsl og hef því ekki getað updeitað síðuna mína.
Við skelltum okkur nefnilega á bretti á laugardaginn og í einni ferðinni hugsaði ég með mér ,,shit hvað ég er orðin góð í þessu maður!" sem eru bannorð í undirmeðvitund Sigurrósar,hún heitir djöfulrós sú arna og henti mér fram fyrir mig þannig að ég beisiklí hélt að hnéin hefðu mölvast en svo reyndist ekki vera, hún er greinilega bara smá evil ekki mikið hún djöfulrós, en lét mig sem sagt halda að ég væri í lagi svo að ég hélt áfram að brettast. Þegar dagurinn var á enda fór ég að finna fyrir í úlnliðnum en horfði framhjá því þar sem hnéin voru svo stokkbólgin og blá að það átti alla mína athygli. Daginn eftir, á sunnudeginum, var úlnliðurinn að drepa mig en hnéin létu ekkert í sér heyra(sem betur fer), ég endaði á því að fara á neyðarmóttökuna, í myndatöku og alles en sem betur fer var ekkert brotið, en illa tognuð. Þannig að ég er nú með stærstu umbúðir sem ég hef verið með, á ævinni!
Þetta er alveg búin að vera mín vika....
Ég var í skólanum í gær og viti menn allt í einu hrin ég úr stólnum beint á gólfið,mígreniskast! Sverrir þurfti að koma og ná í mig og í við brunum heim. ég er nú að jafna mig eftir þetta kast er pínu skökk ennþá, en ekki jafn slæmt og í gær. Vonandi er þetta vorboðinn minn,þ.e. loftlagsbreytingar.
Get....ekki....skrifað....meir....aahh....úln...liður...innnn...

úff púff

já það er sko lítið að gerast í Mílanó þessa vikuna.
Ég fór í lokaprófið á þriðjudaginn í ítölskunni og gekk bara ágætlega, á reyndar eftir að fá einkunnina en ég hef nú farið í muuuun erfiðari tungumálapróf í MR gamla og ekki talaði ég eins góða frönsku þá og ég geri ítölsku núna. Þannig að ég hef litlar áhyggjur af því, sem betur fer.
Ég er svona nokkurn veginn búin að vera veik í gær og í dag og komst því ekki að ná í einkunnina niður í skóla. Það snöggkólnaði hér svo svakalega að maður vill helst ekkert vera úti, það fór niður í 6-10°C, ekki það að fólkið á Íslandi vorkenni manni nokkuð vegna þess. Maður er að lesa um veðrið heima og fær barasta hroll.
Við fengum góðar fréttir áðan, við erum búin að leigja út íbúðina okkar í 2 mánuði í sumar, líst mjög vel á það og það eru Íslendingar, mér líður einhvern veginn betur með það heldur en að leigja kannski Kóreubúum sem varla tala ensku né ítölsku(sem var líklegt að myndi gerast).
Annars var að koma ný lína í HogM í dag, frá Madonnu sjálfri og ég er ekki á staðnum, hræódýr föt alveg hreint ógeðslega flott!!! Hehehe það er af sem áður var, ha! Maður er bara farinn að blogga um föt, ég held ég þurfi að koma mér í einhverja vinnu bráðlega, þetta gengur ekki svona, bráðum fer ég að tala um maskara og dömubindi! Hvað er að gerast???
Hvaða dömubindi notið þið annars??

Ég er búin að vera að íhuga þetta með ostinn og ég bara kemst ekki að niðurstöðu í málinu, þeir eru allir svo svakalega góðir ég bara get ekki gert upp á milli þeirra.

Paranoia!
Ég fékk heimboð frá stelpu/konu með mér í bekk sem kemur frá Chicago. Ég var í fyrstu mjög ánægð með boðið og ætlaði svo sannarlega að mæta með ítölskubækurnar í annarri. En svo eftir nokkra umhugsun þá fóru að renna á mig 2 grímur. Ég fór að snúa þessu upp í hinn svæsnasta CSI þátt og endaði á því að ég ætlaði að hringja í hana daginn eftir og tilkynna henni að ég kæmist ekki vegna veikinda. Hvað er eiginlega að mér af hverju held ég að allir ókunnugir séu undir niðri slæmt fólk sem ætlar bara að ræna mér og drepa???
Á endanum tók ég ekki í mál að láta undan þessari óþolandi paranoiu í mér og fór í heimsókn til stelpunnar og endaði á því að skemmta mér bara mjög vel. Við reyndar lærðum ekki mikið en við kynntumst þó aðeins betur og ég komst að því að fleiri þola ekki Leiðréttarann, sem b.t.w. hitti mig á msn-inu í gær og um leið og ég svaraði henni fór hún að leiðrétta mig sem mér fannst einstaklega ósanngjarnt þar sem hún var með þó nokkuð margar villu hjá sér, ég bara neita að gera svona hluti!
Ert þú Leiðréttarinn í hópnum????

Meira af stranaferðinni um helgina

Strandaferð til Alassio mars 2007

mmmm matur!

Ég gerði crepes í fyrradag sem voru himneskar! Ég gerði deig sem var alveg hreint hrikalega auðvelt og bragðgott og gerði svo um 20 pönnukökur. Ég hafði svo val um alls konar álegg, eins og t.d. bjó ég til sveppafyllingu, þá steikti ég saman sveppi, beikon og skallottlauk í smá smjöri og bjó svo til grunninn að Bechamel sósu(uppstúf) hafði það mjög þykkt og setti svo helminginn af steikta gúmmulaðinu útí og notaði sem fyllingu, alveg hrikalega gott. Restina af sveppunum notaði ég svo í aðra, þá smurði ég pönnukökuna með majónesi(mjög litlu) og sinnepi og setti sveppina á og svo ost og prociutto mmm... á enn aðra setti ég majó(aftur mjög lítið),sinnep, skinku og mozzarella og hitaði í ofni til að bræða ostinn. þetta var hreinn unaður að borða, líka svo skemmtilegt, að vera að dúlla sér við matarborðið að smyrja það sem þig langar í og spjalla við manninn/konuna þinn/þína og drekka gott vín með. mmmm...mmm..mmm...
Í gærkvöldi fékk ég svo rosalegan grillfílíng í mig, það er nefnilega þessa dagana um 20 stiga hiti og sól, þannig að vorið er farið að kitla mann og þá vill maður bara grillað lamb og kalda sósu og ofnsteiktar kartöflur með sætum kartöflum. Þannig að ég fór í búðina og keypti mér lambakótilettur og grískt jógúrt og fleira. Gerði steiktar lambakótilettur með grillkryddi, miðjarðarhafsósuna sívinsælu og ofnsteikt rótargrænmeti og svo hafði ég ferskt salat með(babyspínat,mangó,mozzarella), algjört æði! En reyndar fékk ég svo kjötmagastinginn um kvöldið, óþolandi að geta ekki fengið sér kjöt án þess að fá magasting:( En glætan að ég láti það eitthvað á mig fá og gerist grænmetisæta! Ég held nú síður!

Fór í munnlegt próf í morgun og áheyrnarpróf í ítölskunni. Ég veit nú ekki hvernig mér gekk í áhayrnarprófinu, æ jú ég klúðraði einni eða tveimur spurningum en ekki meira og svo í munnlega prófinu sagði hún mér að henni fyndist ég tala mjög fína ítölsku. Þannig að ég er bara stolt af mér! Takktakk, klapp á bakið;)
Annars er þessi kennari ekkert allt of góður og það eru allir geðveikt pirraðir út í hana af því að hún er alltaf svo pirruð út í okkur og við vitum aldrei af hverju. Það er soldið skrítið að vera í svona skóla þar sem við borgum mikinn pening og erum að læra þetta beisiklí fyrir okkur ,ekki eitthvað próf þannig sér og það er eins og kennarinn þori ekki að segja allt sem hann vill segja og verði þá bara pirraður og þori ekki að segja hvað er að pirra hann. Mjög einkennilega staða.

Farin að sækja einkadótturina, góðar stundir gott fólk.
hvaða þýðingu hefur ostur í ykkar lífi? Er einhver ein tegund mikilvægari en önnur?

Lögin hennar Heklu

Hekla hélt fyrir mig tónleika með gítarinn sinn við hönd og söng þessi lög. Ég ákvað að loksins setja þett hérna inná eða setja þetta á blað þar sem þetta gerist nokkuð oft. Hún tekur þá gítarinn sinn og spinnur lög eftir hentugleika. Þetta er allt saman sungið af mikilli innlifun ( á meðan hún söng fyrir mig þá stimplaði ég inn á tölvuna þannig að þetta er allt saman nákvæmlega eftir henni!) Fyrst sagði hún mér nafnið á lögunum og svo byrjaði hún að syngja og spila.

,,Elsku mamma mín ég elska þig svo, litla barnið sofðu nú rótt"
mamma mín ég elska þig , ég veit af því þú elskar mín ég er alltaf að sjá litli drengurinn minn, litla barnið mitt sofðu nú rótt.

Pétur minn ég elska þig rosalega mikið blessbless góða nótt.
Litli drengurinn minn ég elska þig ,lalalala hlægji hinni drengurinn oh ég elska þig kemur tröllið fer og upp trallallalal hvað varstu að gera tröllið mitt, skammastu þin að koma svona inn, tralalala ,segir apinn íaú segir tröllið íaú segir litla tröllið trallalalala nú er sagan öll, nú alltaf svo gott veður hér trallalalala og nú er sagan öll!

(ónefnt lag)
Pétur minn possi nú trallalala íhahahííhí, brostu nú pétur minn ég elska þig hahahahaha góða nótt tralalala nú kemur trölla litli nú kemur trölla pabbi og tröllið mammama tröllið góð og litli trölllið góður og nú er barbídúkkan mín íhaaíhaaa hahaha segir litla barnið hahahaha hlægjir fólkið , og nú er sagan öll og nú er Pétur minn tralalalala hann elskar svo mömmu sína og nú er sagan öll!

Elsku minn ég elska þig nótt og rugga þér lalala brostu nú Pétur minn.
(kjánalegt að eigin sögn)
brostu nú pétur minn lalalala íhahaha nú er sagan oll neineinei brostu nú íaeiíaei og aldrei fæ ég nóg af því íaaaaíaaaa oooooggh úhohoho nú kemnur trölla pabbi og nú kemur trollamóður og hlæ og hlæ og hlæ hahahaha íaaa íaa segir apadýýýýýýr ooooooo og nú er sagan oll neineineineii ég á lítið barn sem er í maganum mínum mamma er íaaa mamma er að vaska upp og pabbi er líka með barn í magananum og þau eru tveir tveir tveir og nú er neineinei bíddu aðeins pétur minn þú getur ekki farið svona í rigningu hér þú ert bara berrasaður þú verður að klæða þíg i´buxur og fín fot við vorum að vaska upp og nú sagan öööll.!
Takktakk

(

djammdjammdjamm....

Já ég fór á djammið á fimmtudaginn og enn og aftur(eða þannig) var farið á Gattopardo. Einn af snobbstöðum borgarinnar, þar sem ríka fólkið skemmtir sér og það þarf að vera á gestalista, sem við vorum á að sjálfsögðu;)
Þetta var kveðjuteiti Þorgerðar, hún fór í dag til Singapúr til að búa og vinna. Við munum sakna hennar, verst að við kynntumst ekki fyrr, en svona er nú bara lífið. Við Bára ætluðum að vera bara rólegar en annað kom á daginn. Þorgerður splæsti í vodkaflösku og redbull fylgdi með, þetta er hinn besti dykkur. Við fórum hægt í fyrsta glas en eftir það var ekki aftur snúið.... Við urðum bara ansi fullar og skemmtum okkur svakalega vel, Þorgerður í flottu stuði og úr þessu varð alveg hreint frábært kvöld. Ég kom svo heim um þrjú leytið, reyndar ekkert svakalega full, bara svona mátulega. Borðaði Weetabix(sem ég er með æði fyrir núna) og setti aukapúða undir hausinn og sofnaði. Vaknaði svo daginn eftir ekki með vott af þynnku, svona á þetta að vera, ha! Ég var reyndar mjög þreytt þannig að það var lítið gert svo sem þann daginn en það var þó sett í eina vél eða svo. Hekla er loks að skríða úr veikindum sínum í dag, þannig að ég var heima með hana í gær, kom sér vel tíhí.

Við fórum í morgun í garðinn og ætluðum að læra að hjóla, nema hvað að Hekla dettur einu sinni og þá var bara vælt þar til mamma gafst upp og setti hjálpardekkin aftur á. Aðferðin mín í þetta skiptið virkaði mjög illa greinilega. Ég ákvað að láta hana detta einu sinni til að sína henni að þetta væri ekkert svo vont, eða sjá hvort hún gæti reddað sér útúr fallinu einhvern veginn, neinei hún bara hreyfði sig ekki og datt kylliflöt og eins og áður sagði vældi það sem eftir var. Jæja þá bara tókum við rúnt um garðinn, ég á hlaupahjólinu og hún á hjólinu sínu. Því næst gengum við í íþróttabúð hér rétt hjá og ég keypti hlífar á hana, prófum næst þannig, sjáum hvernig gengur. Ef einhver er með hugmyndir af góðum kennsluaðferðum endilega deilið með mér, er nett ráðalaus með hana. Hún gefst bara upp og segir ,, mamma ég er bara barn, ég er ekki eins stór og Hörður Sindriiiiii" Þá verð ég voða fúl og leiðinleg og skamma hana fyrir að gefast upp þá hleypur hún til mín með stóru, bláu hvolpaaugun sín, faðmar mig og segir ,,oh mamma, ég elska þig svooo mikið" og brosir til mín þar til ég brosi til hennar á móti.

Supersize Me

Ég horfði á þessa mynd í gær og nú skil ég fullkomlega hvers vegna Óla systir og Gummi mágur voru svona á móti Makkaranum eitt skiptið þegar ég kom heim til Íslands, en í fáfræði minni hélt ég áfram að styrkja þá og kaupa þennan viðbjóð. Skiptunum fækkar reyndar ört sem ég vel að fara á skyndibitastað af þessu tagi þar sem mér bara hreinlega líður illa eftir á. Ein góð spurning sem ég spurði sjálfa mig í gærkvöldi á meðan ég horfði á myndina.. hvers vegna líður mér hræðilega illa(líkamlega)efitr MacDónalds en svona allt í lagi eftir hamborgara frá öðru fyrirtæki heima að frátöldu BurgerKing?
Ég fékk líka einhvern vegin nóg af rusli, eftir að ég sá hvernig þetta er að fara með okkur mannfólkið. Hvað gengur eignilega að okkur? hvers vegna gerum við líkama okkar þetta. Ég er sko engin undantekning frá þeim sem hakka í sig rusl daginn inn og út. Síðustu 2 mánuði hef ég legið á beit allan daginn, þvílíkt og annað eins rusl og ég bara get ekki hætt. Ég get svarið það að á tímabili hélt ég að ég væri komin með einhvers konar matarfíkn. En það var eins og spark í rassgatið að horfa á þessa mynd. Ég hef nú fengið ógeð á rusli og ef ógeðið er farið á morgun þá horfi ég aftur á myndina til að fá ógeðið aftur. Í dag er ekkert nema hollustan búin að fara í minn maga og ætla ég að halda því áfram. Ég vil ekki taka þátt í þessari vitleysu og styrkja þessi fífl þarna í Bandaríkjunum! Ef þú ert á móti Bush og spilltum stjórnarháttum þá áttu ekki að leggja þér rusl til munns, það fannst mér koma greinilega fram í þessari mynd. Þú ert ekki að gera neitt annað en að hengja snöruna um háls þér sem strekkist með hverjum bitanum sem fer upp í þig!

Að öðru:
Á hverjum sunnudegi ganga hér framhjá húsinu rússneskar konur á öllum aldri á leið í almenningsgarðinn hér við hliðina. Einn sunnudaginn átti ég svo leið um garðinn og sá hvað þær viðhafast allan eftirmiðdaginn. Þær dansa, tala hátt, borða rússneskan mat og drekka sig blindfullar! Þegar þær svo staulast framhjá húsinu um fimm leytið syngjandi Stál og Hnífur Rússlands, get ég ekki annað en hugsað ,, þvílík snilldarhugmynd!"
Ég er því búin að ákveða að halda piknik í garðinum okkar í vor, áður en allir fara og jafnvel fyrr. Eg spurði kennarann minn hvort það væri bannað að grilla í borginni og hún hafði aldrei heyrt um það þannig að ég ætla að dobbúltékka hjá löggunni sem er hér líka við hliðina og ef það má grilla þá verður sko haldin veisla! Það er á hreinu!

fleiri myndir frá Mílanó

myndir frá Mílanó

Lítil saklaus stelpa frá litla Íslandi

Já í samanburði við sögur sem ég hef nú heyrt frá bekkjarfélögum mínum er Ísland eins saklaust og hægt er.
Stelpan sem kemur frá Guatemala: Mömmu hennar var rænt og haldið í 1 mánuð, móður systur hennar var rænt og haldið í 5 mánuði, faðir hennar var skotinn til bana.
Stelpan sem kemur frá Brasilíu: frænku hennar var rænt og haldið í 6 mánuði, hún sjálf kom heim eftir djamm eitt kvöld ásamt kærasta sínum og þeim var rænt fyrir framan húsið hennar, þau dregin upp í bílinn hennar, ógnað með byssu við hausinn, rænd öllu ásamt jökkum og skóm og skilin eftir á miðri hraðbrautinni.

Þetta voru svo massívar sögur þennan dag að ég var í hálfgerðu sjokki, greyið stúlkurnar! Og ég er heldur ekkert svo viðkvæm þegar ég er á túr, ég þurfti svoleiðis að halda aftur tárunum, ekki voru þær að grenja, nei ÉG var að grenja, mér fannst þetta svo hræðilegt!

Nú erum við mæðgurnar komnar með moskítóbit.

Ameríkuveikin svokallaða

Já Hekla er búin að liggja með 39 stiga hita síðan á laugardaginn... ég sem hélt hún slyppi. Hún lætur mann alltaf halda að hún sleppi þar sem hún er alltaf sú síðasta að fá pestarnar, en svo koma þær á endanum. Ekkert við því að gera nema að taka lýsi af krafti.
Ég fékk mjög ánægjjulegan pakka á fimmtudaginn síðasta, í honum voru 2 bækur handa mér og 5 bækur handa Heklu. Hekla var alveg í skýjunum og skoðaði fenginn það sem eftir var dagsins, hljóð með ánægju svip og valdi svo vandlega bókina sem foreldrarnir áttu að lesa þá um kvöldið, síðan hefur ekki verið lesið neitt annað. Þetta eru eins og önnur jólin hér. Ég er líka búin að liggja yfir mínum.. ég fékk Skipið eftir Stefán Mána og svo Viltu vinna milljarð eftir Vikas swarup. Ég er búin með þær báðar, át þær upp eins og gott súkkulaði. Þær voru báðar tvær snilldarlesning. Ég verð bara að mæla með þeim báðum. Sverrir spurði mig áðan hvora hann ætti að lesa, ég gat ekki með nokkru móti ráðlagt honum, þar sem það fer algerlega eftir því hvernig skapi þú ert. Önnur er spennusaga en hin spennnusaga líka kannski en af allt öðrum toga, með ást,grimmd,húmor og mannvonsku en þó fyrst og fremst um vonina sem býr í hjarta hvers manns.
Sólin skín dag eftir dag í þessu dásamlega landi og 18-20 stiga hiti. Moskítóflugurnar eru vaknaðar og farnar að angra nætur manns og ef þetta heldur svona áfram verður stutt í að viftan komi niður af háaloftinu og komi loftinu hér á hreyfingu.
Ég er núna búin að dreifa nafnspjöldum mínum út um allt en er þó ekki búin enn og ætla að gera fleiri og dreifa enn frekar.
Þið munið.....Sigurroscatering@gmail.com
Ég er að setja saman myndir og er að reyna að koma því í gagnið, ég hef nefnilega sagt skilið við Barnaland... vil helst ekki bendla nafni mínu og fjölskyldu minnar við þá kjaftapíkusíðu!
Sverri finnst ég orðin eitthvað svo yfirlýsingaglöð þessa dagana, það getur vel verið. Ég virðist fara í svona ham af og til, mér finnst það svo sem í lagi, bara að það fari svo aftur eftir nokkra daga, ég er ekkert svo svakalega skemmtileg þegar ég er svona yfirlýsingaglöð...æjá ég er á túr það er kannski þess vegna... já og kannski er það þess vegna sem ég er svona brjáluð í súkkulaði þessa dagana...andsk.túr!
Ég var að rökræða við Heklu áðan, hún vildi að ég kæmi með henni á klósettið þar sem hún þorði ekki að fara ein. Þetta er ég að reyna að venja hana af,mér finnst hún verða að geta farið ein á klósettið.
Ég: Hekla farðu ein á klósettið!
Hekla: Ég vil ekki, það er komin nótt og ég þori ekki að fara ein.
Ég: Hekla það er hábjartur dagur... Hvernig þætti þér það ef ég og pabbi þinn þyrftum alltaf að hafa þig með okkur á klósettið að pissa?
Hekla: En mamma, ég er bara barn þú veist það!

Ohh ég gat ekki annað en fundist þetta svo hrikalega sætt og farið með henni, en bara að hurðinni til að keikja ljósið(sem var óþarfi þar sem það var hábjart þar inni) og fór svo, hún tók því þögul.

Ungdomshuset

Ég verð að segja að ég er mjög fegin að vera flutt frá Bjelkesallé þessa stundina eftir að hafa lesið um óeirðirnar sem geisa þarna í götunni við hliðina. Það getur verið að þetta hús eigi sér sögu og það nokkuð merkilega og allt það en síðustu misseri hefur sest þarna að hinn mesti lýður og var ég alltaf nett smeyk þegar ég gekk þarna framhjá. Það var alltaf viðbjóðsleg pissufýla þarna og fólkið sem maður sá hanga þarna voru ekki neinir listamenn né þá heldur baráttumenn fyrir verkalýðinn, þetta voru dópistar, rónar og vitleysingar! Ég þurfti að ganga/hjóla þarna framhjá á hverjum einasta degi og svona var þetta orðið. Ekki það að ég sé beinlínis að halda með þessu trúfélagi sem á þetta hús, löglega, heldur finnst mér það aðeins rétt að ef maður kaupi hús þá fái maður það afhent í sínar hendur. Það var jú farið á bakvið Ungdomshuset við söluna en hvenær keyptu þeir það? Þeir fengu lyklana af því og ekkert annað, Danirnir kannski halda að ef þeir eru nógu andskoti dónalegir við mann að þeir fái hlutina frítt?! Ég veit ekki.....
Ég hins vegar sakna Danmerkur það er ekki það, ég sakna þess að vera þar því það var gott og skemmtilegt.... við borguðum minni leigu, jafnmikið í mat og drykk og fengum barnabætur og húsaleigubætur og niðurgreiddan leikskóla og gátum hjólað hvert sem við vildum án þess að eiga það á hættu að vera keyrður niður á hverri mínútu, við gátum verið á hjóli með kassa fyrir framan(=bíll)án þess að borga bensín á það né heldur borga tryggingar, það var vetur á veturna og sumar á sumrin. Já hvers vegna í ósköpunum fluttum við þaðan??? Ég er eiginlega alveg viss um að ef Danirnir væru eins ,,ligeglad" og þeir eru sagðir vera þá hefðum við aldrei viljað fara þaðan. En nú erum við hér á Ítalíu reyndar í alveg hreint klikkuðu veðri og með yndislegt fólk í kringum okkur, allir svo ,,ligeglad" að það hálfa, afgreiðslufólk er ánægt að sjá þig og bíður þér góðan daginn með bros á vör... jú hér er líka gott að vera... það mætti gera eitthvað við félagslega kerfinu og launakerfinu en annars er hér mjög gott að vera.

Að allt öðru:
Við héldum á föstudaginn uppá 60 afmæli okkar Sverris og þar var sko fjör! Það var heilmikið drukkið og spjallað langt fram á nótt og Hekla fékk leikfélaga sinn í heimsókn, hann Viktor, og þau léku sér góð saman án þess að við tækjum eftir þeim, þar til Bára og Bjarki fóru heim um 2,30 leytið, þá loksins sofnaði Hekla. Við buðum uppá alveg geggjað sushi og svo afmælistertur í eftirrétt. Þetta heppnaðist alveg svakalega vel og það fór bara vel um fólk í 45 fm íbúðinni okkar þó að það hafi verið hér 25 manns, næstum allan tímann.
Daginn eftir brunuðum við upp í fjöll. VIð fengum lánaða íbúð Jole og Piero yfir helgina og að sjálfsögðu nýttum við okkur það. Það var reyndar lágskýjað laugardag og sunnudag þannig að við sáum ekki neitt í kringum okkur og gátum ekki farið á bretti en svo á mánudeginum birti svona líka til og við sáum umhverfið í réttu ljósi. Ótrúlega fallegur staður, bærinn heitir Scopello og er rétt hjá Monte Rosa í Piemonte héraðinu.
Ég ákvað að reyna að borða sem mest af týpískum mat frá þessu héraði og það var mjög gott en það skrítna var að það var fáránlega líkt íslenskri/skandinavískri matseld. Merkilegur andskoti!

Ég á afmæl'í daaaaag!

Já mín bara orðin 30 ára. Mamma sagði mér að þessi dagur hefði verið í lagi fyrir hana á sínum tíma, hins vegar þegar hún varð fertug var hún í vondu skapi þann daginn!
Mig grunar einhvern veginn að ég verði eins með það.
Ég er búin að vera mjög dugleg í dag; fór í skólann, var boðið í hádegismat með eiginmanni mínum á frábæran kínverskan stað á Corso Como(sem er æðisleg göngugata hér í borg), fór í Peck og keypti klikkaðasta nautakjöt fyrir klikkaðasta pening sem ég hef smakkað eða borgað, fór að sækja Heklu, fór heim, beint í búð, beint heim að baka massíva djöflatertu með Brown Sugar Butter Cream, beint í sturtu og gerði mig fína fyrir kvöldið, beint að búa til massíva Fiorentina með ekta Bernaise, bökuðum kartöflum og steiktum strengjabaunum.
Hér sit ég eftir sirkabát 1 kg af smjöri og rauðu kjöti og rauðu víni svoleiðis aaalsæl! Ég er líka á leiðinni í bað með glasið að sjálfsögðu;-)
P.s. takk fyrir afmæliskveðjurnar allir saman..... Ég elska ykkur öll!!!(sagt frekar drafandi þar sem kílóið af víninu er farið að segja til sín)

Draumar.

Mig dreymdi að Sóley frænka væri ófrísk og henni leið alveg hrikalega vel:)
Ertu nokkuð ófrísk frænka??
Annars fór ég að leita ráðningar á draumnum og það er þetta:
Nýtt verkefni er að verða að veruleika, eða fæðing nýrra hugmynda eða ný takmörk sett í lífinu.
Ekki slæmt,ha!
Ég gerði annars heitt súkkulaði fyrir dóttur mína í gær og það var svo gómsætt að ég bara stóðst ekki mátið að drekka það með henni. Hún fékk sér svo aftur í hádeginu í dag og ég fékk mér samloku með smjöri og sultu og svo fékk ég mér smá sopa af kakóinu og ég get svarið það á einu augabragði var ég komin upp í Bláfjöll með systrum,frænkum, afa og ömmu. Lyktin ein og sér gaf mér aftur allar tilfinningar sem ég fann þá og hugsanir.
Þetta fær maður víst bara að gera einstaka sinnum, en þetta var frábær stund, ég fékk tárin í augun af söknuði í gamla og góða daga.

Í sjokki!

Já ég og Hekla vorum í lestinni áðan og hún var að leika sér að því að snúa sér í hringi á stönginni sem er til að halda sér í og allt í einu tekur maður mynd af henni! Ég tók ekki eftir honum fyrr en flassið kom og ég fékk algjört sjokk. Hann leit ekkert sérlega vel út og alls ekki vinsamlega. Maður sem sat fyrir framan hann og flestir í lestinni voru líka nett hneykslaðir á þessu athæfi og ég ... fraus! Ég fraus andskotinn hafi það... að sjálfsögðu átti ég að fara til mannsins og biðja hann um að eyða myndinni. Finnst ykkur það ekki? Ég veit ekki hvað ég á af mér að gera núna, ég er með hnút í maganum á stærð við melónu. Héðan í frá munu allir þurfa mitt leyfi fyrir myndatöku á barninu mínu! Mér er sama þó að ferðamenn frá austurlöndum sjái sjaldan fólk eins og hana, þau fá ekki að taka myndir af henni meir!
Hvað hefði ég átt að gera??????

Ítölskunámið að borga sig

Jájájá ég komst að því að brúsinn sem maðurinn minn var búinn að hella ofan í vaskinn stíflaða var efni fyrir næstum stíflað niðurfall en ég hins vegar með mína gríðarlegu ít-lskukunnáttu komst að þessu í búðinni þegar ég var að kaupa áfyllingu, þannig að ég keypti efni til að losa stíflu og hellti barasta öllum brúsanum í vaskinn og viti menn hann afstíflaðist! Ég er massív!
Hins vegar var þessi vír ekki alveg að gera sig og er gardínan farin að hanga aðeins of mikið niður þannig að ég þurfti að ,,skreppa" í IKEA og keypti sterkari víra. Nema hvað að á leiðinni heim.... þið eigið aldrei eftir að geta upp á hvað gerðist....... jú aldrei þessu vant... ég villtist! Ég er orðin svo svakalega leið á þessu áttavilltadæmi hjá mér, ég get svarið það að ég er heppin að ég veit hvað er vinstri og hægri! Ég meina hvað ég er búin að fara þarna oft???? Að villast og þurfa að fara í gegnum tollin og spyrja þar og þurfa svo að spyrja aftur því ég missti af annarri beygju og þurfa svo að taka U beygju á miðri semi-hraðbraut!!!! Ég er ekki í lagi!!!!
Ég hugsaði á leiðinni út úr húsi hvort ég ætti að taka gps tækið, bara svona til vonar og vara en ákvað að þar sem ég væri búin að fara þarna skrilljón sinnum ætti ég nú að geta andskotast til að muna þetta! En allt kom fyrir ekki!
Hekla er í fríi í leikskólanum alla þessa viku þannig að ég hélt að ég þyrfti að taka mér frí úr skólanum, sem mér leist alls ekki vel á, en þegar ég fór þangað niður eftir í gærdag til að fá að vita hvað ég átti að læra heima þá sagði kennarinn mér að taka bara Heklu með mér í skólann, sem ég og gerði í morgun og það gekk svona líka glimrandi vel, hún er svo mikill engill þessi snúlla! Ég þurfti ekkert að hafa fyrir henni. Við erum ekki nema 10 í hópnum og allir sitja í hring alltaf þannig að þetta er mjög intensíft, ég var soldið stressuð yfir að koma með hana en hún stóð sig svona líka glimrandi vel stúlkan í 3,5 klukkutíma.
ohhh hvað mig langar í saltkjöt og baunir..mmmmm.....Sprengidagur.

stíflaður vaskur

Já Sverrir stillti á ,,gáfaður" á heilastillingum sínum í fyrradag þegar hann var að klippa á sér hárið. Hann ákvað að skola barasta öllu niður í vaskinn og viti menn hann er vel stíflaður, við erum sem sagt búin að fara með einn brúsa nú þegar af stíflulosunarefni en ekkert gengur, ég hef nú keypt annan brúsa og sjáum hvernig það fer allt saman. Málið er nefnilega að þetta er vaskurinn sem affallið frá þvottavélinni fer í og er því ekki hægt að þvo og ég hef sjaldan séð annan eins haug og nú.
Við ætluðum að þrífa í gær en það fór því miður lítið fyrir því þar sem við ákváðum að loka loksins fyrir hillurnar þar sem við geymum fötin okkar. Við ,,skruppum" því í IKEA nema hvað að þangað ,,skreppur" maður aldrei, þangað fer maður og eyðir meirihluta dags hvort sem maður vill það eður ei. En við náðum þó að finna ágætis tjöld á fínu verði og eyddum svo því litla sem eftir var dagsins í að reyna að koma þeim upp, sem gekk pínu brösulega en gekk þó. Nema hvað að vírinn sem við settum þetta upp með er greinilega ekki alveg að höndla þunga tjaldsins og er soldið mikið farinn að slakna. Hann slitnar þá bara, þá ,,skreppum" við bara aftur í IKEA og kaupum nýjann og sterkari vír. VIð keyptum líka vínglös í sterkari kantinum því að ég hef gefist upp á hinum stóru þunnu þau fara eins og ég veit ekki hvað, næstum eitt á dag.
Við erum að fara í kvöld að hitta Bigga frænda í appiritivo og fagna útskrift drengsins. Hlakka til. Við fórum í bæinn með honum á laugadaginn, gengum um og spjölluðum næstum allan daginn og kíktum á kaffihús og svona, svo um kvöldið fórum við á pizzastaðinn Solo Pizza sem ég fór á með Simonu í sumar. Að mínu mati sá besti í bænum og pizzurnar á mjög sanngjörnu verði. það er líka biðröð inná staðinn, alltaf!
En nú þarf ég að drífa mig í umferðarteppuna. og vaskteppuna... ætli séu fleiri teppur í gangi sem þarf að redda??? látið mig vita ég mæti......

Ciao mi chiama Sigurrós

Leiðréttarinn:
Nemandinn sem situr við hliðiná þér, hann skoðar vandlega eftir hvert pennastrik stílabókina þína og leiðréttir villurnar eftir þekkingu sinni. Hins vegar er ekkert að taka eftir villunum sem eru í sinni eigin bók. Tekur upp á sitt eindæmi að leiðrétta framburð allra annarra í bekknum án þess að gefa sínum eigin mikinn gaum. Þekking hans er sú sama og þín en telur sig mun betri samt sem áður og horfir á þig með aumkunaraugum í hvert skipti sem þú gerir villu, þó svo að villurnar séu jafnmargar hjá honum. Vill að athygli bekkjarins sé á sér allan tíman sem kennsla stendur yfir og sér til þess að allar spurningar séu í samræmi við það sem hann vill að fari fram en ekki kennarinn.

Stórgóð lýsing á brasilískri stúlku sem er með mér í bekk! Hún laumaði út úr mér hotmailinu mínu og nú er hún farin að msn-na mér líka og jú leiðréttir mig á því einnig. Ég er ekkert að pirra mig á svona hlutum, einmitt.

Ég er núna búin að láta Ólu systur búa til nafnspjald handa mér og er farin að dreifa því hér.

SIGURROS CATERING
sigurroscatering@gmail.com

Láta vita krakkar,láta berast!

Ég er að fara á eftir á tískusýningu hjá strákum sem eru að byrja með nýtt merki og ég er að fara að auglýsa mig þar með þessu glæsilega nafnspjaldi.
Óla systir er algjör snilli.

Annars hefur nú lítið verið að gerast síðustu daga. Nema hvað að það er jú allt á fullu hjá manni. Fer í skólann, borða með Sverri fer heim, sæki Heklu, læri heima, sé um bókhald, reikninga og fl. þvæ þvotta og að sjálfsögðu strauja massann á nýja straubrettinu mínu og elda matinn. Þegar kvöldið loks kemur og maður getur sest upp í sófa er þreytan soldið ljúf og mikil og því sofnar maður bara fyrir allar aldir. Þetta þykir mér mjög skemmtilegt eftir að hafa verið heimavinnandi í smá tíma. Það er svo gaman að hafa mikið að gera.
Sverrir og ég(meira samt Sverrir)gerðum við hjólið mitt og því hef ég verið soldið dugleg að hjóla síðustu daga, nema hvað að núna eru gírarnir fastir í 3. sem er bara allt of erfitt á hjólinu mínu, en maður lætur sig hafa það þegar veðrið er svona yndislegt eins og síðustu vikur. Það er 10-15 stiga hiti dag eftir dag, ekkert rok(eins og vanalega) og þegar sólin skín getur hitinn farið upp í 18 stig. Þetta er alveg hreint yndislegt!
Jæja nú þarf ég að hlaupa að ná í Heklu.
Ohh shit ég veit ekkert í hverju ég á að fara í kvöld, dem! Fínn, casual fínn, casual díses hef ekki grænan grun :-/

Ítalska og aftur ítalska

Já ég byrjaði í morgun í ítöslkunámi og líkar bara mjög vel. Þarna eru eins og venjulega fólk alls staðar að, en þó flestir frá Asíu. Merkilegt með Kóreubúana þeir bara kunna ekki neitt annað tungumál áður en þeir mæta á svæðið, hinir eins og þeir frá Japan eru þó allavegana með 1 annað tungumál.
Það er að sjálfsögðu nokkrar þarna sem eiga ítalska kærasta og eru hér vegna þeirra, eitthvað sem kennarinn sagði að væri mjög algengt.
Fór á sunnudagsmorgunn til að kaupa nýtt brauð nema hvað að það er ekki hægt hér á landi þar sem bakarí eru lokuð á sunnudögum, en í staðinn keypti ég 60 túlípana, fannst ykkur ég hafa farið yfir strikið? Þeir voru bara á tilboði og ég var á hjólinu mínu í æðislegu veðri og fannst bara tilheyrandi að kaupa fullt af túlípönum til að skreyta heimilið mitt.
F'orum í gær í bæinn að hitta Báru,Bjarka,Viktor og Þorgerði(ekki systur mína). Við gengum í Brera og fórum á kaffihús og gengum svo til baka að Duomo. Þetta var alveg yndislegur dagur, það er svo gaman að eyða deginum með góðum vinum, á rölti um borgina og kíkja á kaffihús og svona. Maður gerir það allt of sjaldan heima á Íslandi, ekki satt?

Furðulegt!

MIg dreymdi að ég væri að lyfta massívum lóðum í bekkpressu, mér fannst það nú vera nógu skrítið nema hvað að þegar ég vakna er ég að drepast úr harðsperrum í öxlum og baki!?? Stórfurðulegt!
Hekla vaknar núna á hverjum morgni og segir okkur frá draumum sínum. Þetta er skemmtilegasti partur dagsins fyrir foreldrana þar sem þetta eru mjög svo skemmtilegir draumar og hún segir frá þeim með svo mikilli innlifun og handahreyfingum. Hún er t.d alltaf af fljúga og vill endilega kenna okkur fullorðna fólkinu hvernig á að gera það, henni finnst það reyndar soldið skrítið að þegar hún flýgur í draumunum sínum þá er hún aldrei með vængina sína(sem eru álfavængir sem hún fékk í afmælisgjöf frá Sölku vinkonu sinni). Hún ætlar samt að bæta upp fyrir það í næsta draumi sem hún flýgur í.
Ég er að leita að skemmtilegum nafnspjöldum, hefur einhver hugmyndir um hvar ég gæti fundið einhver flott.
Frá 17.-25.feb. er frí í leikskólanum hennar Heklu, ekkert svo langt frí eða þannig! Allir hinir eru í fríi í 1-2 daga. Ég sem er að fara að byrja í ítölskunámi:/, sjáum hvort maður geti dílað eitthvað við strákana þarna á skrifstofunni.

úúúú nice shoes

Takk fyrir jólagjöfina tengdó....

Ekkert að byrja á túr.....

Ég var að lesa Litla stúlkan með eldspýturnar fyrir dóttur mína í gærkvöldi og ég gat ekki klárað hana fyrir ekkasogum og gráti....FRÁ MÉR!!!
Ég er ekki í lagi þegar ég fer á túr ég er eins og eins stór súkkulaðiklessa með grátbólgin augu, allt of stórar geirvörtur og bjórvömb sem slær mestu sjóurum við!
Mjög skemmtilegt að vera þannig einu sinni í mánuði...

Hekla er ennþá með nokkurn hósta þannig að það var innivera hjá okkur mæðgunum í dag, rólegheit sem sagt.
Kvöldmaturinn: eggjakaka,æ mér finnst þetta alltaf svo ógirnilegt nafn, frittata hljómar mun betur. Með steiktu grænmeti í örlítilli tómatsósu, mozzarella og sikileyskum Pecorino.

Hann átti afmæli í gær!

Já hann Sverrir minn átti afmæli í gær og var það með eindæmum einkennilegur dagur. Ég ætlaði að dekra við hann og elda enskan brunch eins og hann gerist bestur en viti menn búðin var lokuð, týpískt. Ég gaf honum líka gjöf sem hann var svo ekkert rosalega ánægður með þannig að við þurftum að bruna niður í bæ til að skipta. Það fór svo mestur partur dagsins í þrif og svo niður í bæ, án þess að hafa borðað bita. Þannig að við ætluðum að fá okkur sushi í tilefni dagsins en viti menn, jú, það var lokað! Þannig að við enduðum á Burger King mjög svo sveittum kllukkan 17.30, þannig að kvöldmaturinn var heldur ekki upp á marga fiska, eða grillaður kjúklingur með frönskum og kokteil. Reyndar stendur hann nú alltaf fyrir sínu, en kanski ekki alveg afmælismatur. En ég ætti þó í hálfa uppskrift af súkkulaðiköku svo að hann fékk sína köku kallinn, guði sé lof því að þetta var orðið frekar vandræðalegt fyrir nýbakaða eiginkonuna, mín ekki alveg að standa sig í hlutverkinu.

Annars hefur nú ansi mikið gerst síðan síðast. Byrjum á byrjuninnni.
Föstudagur:
Ég gerði patéið mitt fyrir afmælisveislu Giuliu sem var haldin á laugardeginum og ég áti að sjá um appiritivo. Því næst fór ég að hitta Jole til að ákveða matseðilinn og svo beint í appiritivo með Gunna og Höllu Báru og co. því næst fórum við í megafína dressið, Sverrir í jakkafötum og ég í nýju fötunum mínum, og beint á barinn. Nema hvað að við fórum á hótelbarinn á Bulgari hótelinu. Þar vorum við Sverrir,Gunni,Þorgerður og Bára og drukkum hvítvín og kokteila fyrir 15 evrur (hver drykkur!), mjög ódýrt! En þar fyrir utan voru parkeraðir Ferrari,Hummer, og flottustu bensar sem ég hef séð. Því næst var förinni heitið á næturklúbb sem heitir Armani Privé, þar vorum við á gestalista og komumst því inn fyrir framan alla röð og þar inni beið okkar borð með stórri flösku af vodka, fullt af blandi og í og ávextir! Þarna hittum við svo Telmu og Röggu, en það var Röggu að þakka að við vorum með borð þarna og það var Báru að þakka að við komumst inn, gott að þekkja rétta fólkið krakkar mínir, ha;)
Þarna inni voru svo saman komnir ríkustu krakkar Mílanó og nágrenis, enda kostar drykkurinn þarna inni 20 evrur, hvað sem þú færð þér, skiptir ekki máli, allt á 20 evrur, ódýrt, ha? En við hugsuðum ekki um það heldur skemmtum okkur þvílíkt vel, alveg klikkað stuð. Ég var bara í vodka og red bull og það fór bara vel ofan í mig, ég reyndar hélt mér í hófi því að ég þurfti svo að vakna klukkan 9.00 daginn eftir til að undibúa afmælisveislu fyrir 20 manns. En það var samt alveg frábært þetta kvöld. Það var líka mjög gaman að kynnast svona þessari hlið á Mílanó, þ.e. ríku hliðinni. Þarna sá maður loksins flott fólk og vel klætt. Við vorum komin heim um 3 leytið sem betur fer, því hefðum við verið seinna á ferð hefði mér ekki tekist svona vel upp á laugardeginum sem raun bar vitni.
Laugardagurinn:
Ég vaknaði með stýrur í augum klukkan 8.30 með hnút í maganum, vegna þess að ég var svo illa undibúin fyrir daginn. Þoli ekki þegar það gerist. Málið var nefnilega að ég og Jole gátum ekki hist fyrr en þarna klukkan 18.00 á föstudeginum til að ákveða matseðilinn þannig að ég gat ekki undirbúið mig betur. En allavegana þá byrjaði ég á að fara í búðina og svo heim í eldamennsku. Ég var að allan daginn án þess að fá mér neitt að borða(drakk reyndar svona 2 ltr af vatni)né setjast niður í eina mínútu til klukkan 19.15 en þá lá leiðin til Jole með allt heila klabbið og svo byrjaði veislan klukkan 20.00. Sverrir stóð sig eins og hetja sem aðstoðarkokkur og gerði dúndurgóðar klúbbsamlokur og setti saman krabbasalat á gúrkusneiðum(sem by the way voru klikkaðar!). Þegar veislan byrjaði var ég orðin eins og undin tuska og gersamlega búin á því. En þá var maður í veislu og ekki staður né stund til að vera með eymingjaskap. En þetta heppnaðist alveg rosalega vel og fólk var gersamlega slefandi yfir veitingunum.
Matseðill:
1.Krabbasalat á gúrkusneiðum
2.Klúbbsamlokur
3.Kjúklingapatéið mitt fræga með pain d'epice og paprikuvinaigrette
4.Grafin svínalund með piparrótarsósu
5.Crudité með miðjarðarhafsídýfu(hrátt grænmeti með ídýfunni sem nokkrar fengu í gæsapartýi Kötu og ég hef gert þessa sósu líklegast fyrir alla þá sem ég þekki, hún slær alltaf í gegn og maður getur notað hana með öllu)
6. Súkkulaði-hindberja og möndlukaka (giftingarkakan)

Þannig að eins og þið sjáið var þetta alveg geggjað en líka nett vinna að búa til á einum degi. En eins og venjulega fannst mér þetta rosalega skemmtilegt og bara get ekkert að því gert að skemmta mér svona við þetta.
Þegar klukkan var um 23.00 var ég að sofna þannig að við beiluðum heim í ból.
Sunnudagurinn var svo eins og ég var búin að lýsa áðan.
Mánudagur:
Mikið hrikalega er ég búin að vera dugleg í dag! Ég tók allt til(það þarf nefnilega að búa til sófa á hverjum degi, þið munið)og svo fór ég á markaðinn, í ódýra markaðinn og svo í búðina. Ég tók ísskápinn í gegn og fyllti svo aftur. Keypti mér loksins almennilegt straubretti og straujaði allt sem hefur þurft að strauja síðustu 4 mánuði(nei ég er ekkert löt við að strauja!).Bætti í sokka og vettlinga og kjóla og fleira þar sem ég keypti nál og tvinna(ég veit að systur mínar verða stoltar af mér). Reyndar á ég bara hvítan og rauðan tvinna þannig að svörtu vettlingarnir mínir eru með mjög greinilegum rauðum saumi! En mér er nett sama, ég saumaði þó allavegana saman!
Fór svo og reyndi að taka ryðið af hjólinu mínu og fann eldgamla pumpu útí garði sem passar í hjólið mitt, þvílík endemis heppni!
Ég er líka búin að taka nokkrar þvottavélar og svo er bara eldamennskan eftir og þá get ég sagt sátt við sjálfa mig að ég sé barasta hin besta eiginkona!
Það verða klúbbsamlokur í matinn í kvöld...mmmm.... get ekki beðið.

Allt í lagi, allt í lagi,ég skal hætta!

já ég tek það á mig þetta var synd að vera að röfla yfir þessum blessaða handboltaleik, OK! Er hætt og geri þetta ekki aftur,lofa! Ég skal horfa á einn og einn íþróttaleik en þá vil ég líka fá eiginmanninn minn á ballettsýningar svona endrum og eins, MÚhahahahahaha, einmitt sjáiði Sverri á ballettsýningu???? hahaha, tja það væri nú bara eins og að sjá mig á handbolta-eða fótboltaleik!
Ég fékk alveg hreint hrikalega girnilegt tilboð í dag, en það var að fara á kaffihús og í bæinn með Báru, sem ég tók að sjálfsögðu og sé sko ekki eftir því. Það var rosalega gaman og ég keypti mér alveg ofboðslega fallegan kjól í Zöru og alveg geggjaða skó í jólagjöf frá tengdaforeldrum mínum, þeir eru svo flottir að ég ætla að setja mynd af þeim hér inn á morgun.
Ég er svo að fara með henni, Thelmu, kannski Höllu Báru, kannski Þorgerði,kannski Sverri og stelpu sem heitir Ragga á Gattopardo annað kvöld. Við eigum eftir að skemmta okkur vel að vanda!
Sverrir er byrjaður í starfsþjálfun og verður næsta 1 1/2 mánuðinn, mjög spennandi , sjáum hvernig það fer allt saman.
Það er mjög gaman að sjá borg tískunnar umbreytast í borg svartra og brúnna vattúlpna og svartra buxna á veturna.